കോടതിയലക്ഷ്യം; മറുപടി നല്‍കാന്‍ ഡീന്‍ കുര്യാക്കോസിന് സാവകാശം നല്‍കി
March 18, 2019
1 minute Read
കോടതിയലക്ഷ്യക്കേസില്‍ സര്‍ക്കാര്‍ സത്യവാങ്മൂലത്തിന് മറുപടി നല്‍കാന്‍ യൂത്ത് കോണ്‍ഗ്രസ് നേതാവ് ഡീന്‍ കുര്യാക്കോസിന് ഹൈക്കോടതി ഒരു മാസത്തെ സാവകാശം അനുവദിച്ചു. കാസര്‍ഗോഡ് യൂത്ത് കോണ്‍ഗ്രസ് പ്രവര്‍ത്തകരുടെ കൊലപാതകവുമായി ബന്ധപ്പെട്ട് സംസ്ഥാനത്ത് മിന്നല്‍ ഹര്‍ത്താല്‍ പ്രഖ്യാപിച്ചതിന് ഡീന്‍ കുര്യാക്കോസ് അടക്കം മൂന്ന് പേര്‍ക്കെതിരായ കോടതിയലക്ഷ്യ കേസ് പരിഗണിക്കവേയാണ് കോടതി സാവകാശം അനുവദിച്ചത്.
ഹര്‍ത്താലിനെതിരെ സര്‍വകക്ഷി യോഗം വിളിക്കാന്‍ ആലോചിക്കുന്നുവെന്ന് അഡീഷണല്‍ എജി കോടതിയില്‍ അറിയിച്ചു. ഡീന്‍ കുര്യാക്കോസിന് പുറമേ കാസര്‍കോട് ജില്ലയിലെ യുഡിഎഫ് നേതാക്കളായ എം സി കമറുദ്ദീന്‍, ഗോവിന്ദന്‍ നായര്‍ എന്നിവര്‍ക്കെതിരെയും ഹൈക്കോടതി സ്വമേധയാ കോടതിയലക്ഷ്യ നടപടി സ്വീകരിച്ചിരുന്നു.
ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English