സംസ്ഥാനത്ത് അതിശക്തമായ ചൂട് തുടരും : കാലാവസ്ഥാ നിരീക്ഷണ കേന്ദ്രം

സംസ്ഥാനത്ത് അതിശക്തമായ ചൂട് തുടരുമെന്ന് കാലവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. കൊല്ലം കോട്ടയം തൃശൂർ കോഴിക്കോട് ജില്ലകളിൽ ഇന്ന് പരമാവധി താപനില 3 മുതൽ 4 ഡിഗ്രി സെൽഷ്യൽ വരെ ഉയരാനാണ് സാധ്യത.

വയനാട്, ഇടുക്കി ഒഴികെയുള്ള മറ്റ് എട്ട് ജില്ലകളിൽ രണ്ട് മുതൽ മൂന്ന് ഡിഗ്രി സെൽഷ്യസ് വരെ ഉയർന്ന താപനില രേഖ പ്പെടുത്തിയേക്കും. 12 ജില്ലകളിൽ നാളെ രണ്ട് മുതൽ 3ഡിഗ്രി സെൽഷ്യസ് വരെ താപനിലയിൽ വർധനവ് ഉണ്ടാകുമെന്നും കാലാവ സ്ഥാ നിരീക്ഷണ കേന്ദ്രം വ്യക്തമാക്കുന്നു. ജനങ്ങൾ ജാഗ്രത പാലിക്കണമെന്ന് ദുരന്തനിവാരണ അതോറിറ്റി മുന്നറിയിപ്പു നൽകി.

Read Also : സംസ്ഥാനത്ത് ഇരുനൂറോളം പേർക്ക് സൂര്യാതപമേറ്റതായി ആരോഗ്യമന്ത്രി

അതേസമയം,  സംസ്ഥാനത്ത് ഇരുനൂറോളം പേർക്ക് സൂര്യാതപമേറ്റതായി ആരോഗ്യ മന്ത്രി കെ കെ ശൈലജ പറഞ്ഞു. എന്നാൽ സൂര്യാഘാതം മൂലം ഇതു വരെ മരണങ്ങളൊന്നും സ്ഥിരീകരിച്ചിട്ടില്ല. സൂര്യാഘാതമെന്ന് സംശയിക്കുന്ന മരണങ്ങളിൽ പോസ്റ്റുമോർട്ടം റിപ്പോർട്ടുകൾ പരിശോധിച്ച് വരികയാണെന്നും ആരോഗ്യമന്ത്രി വ്യക്തമാക്കി.

ചൂട് തുടരുന്നതോടൊപ്പം പകർച്ചവ്യാധികളും ജലജന്യ രോഗങ്ങളും പടരാൻ സാധ്യതയുണ്ട്. ഇക്കാര്യത്തിൽ ആവശ്യമായ മുൻകരുതലുകളെടുക്കാനും പ്രതിരോധ പ്രവർത്തനങ്ങൾ നടത്താനും ഡി.എം.ഒ മാർക്ക് നിർദ്ദേശം നൽകിയതായും കെ കെ ശൈലജ പറഞ്ഞു.