യുഎഇയിൽ മഴ തുടരുമെന്ന് അറിയിപ്പ് ; ചൂടിന് നേരിയ കുറവ്

യുഎഇയുടെ പലപ്രദേശങ്ങളിലും ബുധനാഴ്ച നേരിയ തോതിൽ മഴ ലഭിച്ചു. പലയിടത്തും ഇപ്പോഴും  മേഘാവൃതമായ കാലാവസ്ഥയാണ്. ശനിയാഴ്ച വരെ മഴ തുടരുമെന്നാണ് നാഷണൽ സെന്റർ ഫോർ മെറ്റിയറോളജി ആൻഡ് സീസ്‌മോളജി (എൻസിഎം) യുടെ അറിയിപ്പ്. മഴ ലഭിച്ചതിനാലും ആകാശം മൂടിക്കെട്ടി നിൽക്കുന്നതിനാലും രാജ്യത്ത് ചൂട് കുറയുമെന്ന് അധികൃതർ അറിയിച്ചു.

Read Also; ആഗോള താപനത്തിൽ ചുട്ടുപൊള്ളുന്ന ഭൂമിക്കു വേണ്ടി ഭൗമമണിക്കൂർ ആചരിച്ച് യുഎഇ

കഴിഞ്ഞയാഴ്ച കനത്ത ചൂടാണ് രാജ്യത്ത് അനുഭവപ്പെട്ടത്. ഏറ്റവും ഉയർന്ന താപനില 40 ഡിഗ്രി സെൽഷ്യസിൽ എത്തിയിരുന്നു. അടുത്ത മൂന്നു ദിവസങ്ങൾ കൂടി മഴ പെയ്യുമെന്നും പടിഞ്ഞാറൻ തീരപ്രദേശത്തും ദ്വീപുകളിലും രാത്രിയിൽ മഴ ലഭിക്കാൻ സാധ്യതയുള്ളതിനാൽ ചൂട് കുറയുമെന്നും എൻസിഎം അറിയിച്ചു.