ചത്തീസ്ഗഡിൽ മാവോയിസ്റ്റ് ആക്രമണം; ബിജെപി എംഎൽഎ അടക്കം 6 പേർ കൊല്ലപ്പെട്ടു

ചത്തീസ്ഗഡിൽ മാവോയിസ്റ്റ് ആക്രമണം. ബിജെപി എംഎൽഎ അടക്കം 6 പേർ കൊല്ലപ്പെട്ടു.ബസ്തർ മേഘലയിൽ ഏപ്രിൽ 11 ന് ലോക് സഭാ തെരെഞ്ഞെടുപ്പ് നടക്കാനിരിക്കെയാണ് ആക്രമണം ഉണ്ടായത്.

ചത്തീസ്ഗഡിലെ ദന്തെവാഡയിലാണ് ബി.ജെ പി യുടെ വാഹനവ്യൂഹത്തിനു നേരെ മാവോയിസ്റ്റ് ആക്രമണം ഉണ്ടായത്. മാവോയിസ്റ്റുകൾ സ്ഥാപിച്ച ഐ ഇ ഡി പൊട്ടിത്തെറിച്ചാണ് സ്‌ഫോടനം ഉണ്ടായത്.സ്‌ഫോടനത്തിൽ ദന്തെവാഡ ബിജെപി എം.എൽ.എ ഭീമ മാണ്ടവി കൊല്ലപ്പെട്ടു. വാഹനവ്യൂഹത്തിൽ നിരവധി ബിജെപി നേതാക്കൾ ഉണ്ടായിരുന്നു.

4 സുരക്ഷാ ഉദ്യോഗസ്ഥർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു.സ്‌ഫോടനത്തിനു ശേഷം മാവോയിസ്റ്റുകൾ വാഹനങ്ങൾക്ക് നേരെ വെടിയുതിർത്തു. ചത്തീസ് ഗഡിൽ 3 ഘട്ടങ്ങളിലായാണ് ലോക് സഭാ തെരെഞ്ഞെടുപ്പ് നടക്കുന്നത്.ഏപ്രിൽ 11 ന് ബസ്തർ മേഘല പോളിംഗ് ബൂത്തിലേക്ക് പോകാനിരിക്കെയാണ് ആക്രമണം ഉണ്ടായത്. തെരെഞ്ഞെടുപ്പ് അട്ടിമറിക്കാൻ മാവോയിസ്റ്റുകൾ ശ്രമിക്കുന്നുവെന്ന് ഇന്റലിജൻസിന്റെ റിപ്പോർട്ട് ഉണ്ടായിരുന്നു.സംഭവ സ്ഥലത്ത് ‘സി ആർ പി എഫിന്റെ പ്രത്യേക സംഘത്തെ വിന്യസിപ്പിച്ചു