വയനാട്ടിൽ തൊവരിമല സമരക്കാർ കളക്ട്രേറ്റ് ഉപരോധിക്കുന്നു

വയനാട്ടിൽ തൊവരിമലയിൽ വനഭൂമി കയ്യേറ്റം ഒഴിപ്പിച്ച നടപടിയിൽ പ്രതിഷേധിച്ച് ഭൂസമരസമിതി പ്രവർത്തകർ കളക്ട്രേറ്റ് ഉപരോധിക്കുന്നു. അഖിലേന്ത്യ ക്രാന്തി കിസാൻ സഭ, ഭൂസമരസമിതി എന്നിവയുടെ നേതൃത്വത്തിൽ തൊവരിമലയിൽ ഹാരിസൺ എസ്റ്റേറ്റിന് സമീപത്തെ മിച്ചഭൂമിയിൽ അവകാശം സ്ഥാപിച്ച് നടത്തിവന്ന ഭൂസമരമാണ് ഇന്ന് രാവിലെ ഒഴിപ്പിച്ചത്. ഇതാണ് പ്രതിഷേധത്തിന് കാരണം. കഴിഞ്ഞ തിങ്കളാഴ്ചയാണ് ആയിരത്തോളം പ്രവർത്തകർ തൊവരിമലയിൽ കുടിൽകെട്ടി സമരം ആരംഭിച്ചത്.