ഗായകൻ ദലേർ മെഹന്തി ബിജെപിയിൽ ചേർന്നു

പഞ്ചാബി ഗായകൻ ദലേർ മെഹന്തി ബിജെപിയിൽ ചേർന്നു. കേന്ദ്രമന്ത്രി വിജയ് ഗോയൽ, നോർത്ത് വെസ്റ്റ് ഡൽഹിയിലെ ബിജെപി സ്ഥാനാർത്ഥി കൂടിയായ ഹൻസ് രാജ് ഹാൻസ് എന്നിവരുടെ സാന്നിധ്യത്തിലായിരുന്നു ദലേർ മെഹന്തിയുടെ ബിജെപി പ്രവേശനം. ബിജെപി ഡൽഹി സംസ്ഥാന പ്രസിഡന്റ് മനോജ് തിവാരി, മുൻ ക്രിക്കറ്റ് താരവും ബിജെപി സ്ഥാനാർത്ഥിയുമായ ഗൗതം ഗംഭീർ എന്നിവരും സന്നിഹിതരായിരുന്നു.

ലോക്സഭ തെരഞ്ഞെടുപ്പിന്റെ നാലാംഘട്ടത്തിലേക്ക് കടക്കാനിരിക്കേ, കൂടുതൽ താരങ്ങളെ പാർട്ടിയോട് അടുപ്പിക്കാനുളള ഒരുക്കത്തിലാണ് ബിജെപി. ദിവസങ്ങൾക്ക് മുൻപാണ് സണ്ണി ഡിയോളും ഹൻസ് രാജും ബിജെപിയിൽ ചേർന്നത്. ബിജെപിയിൽ ചേർന്ന ഇരുവരുടെയും സ്ഥാനാർത്ഥിത്വവും പ്രഖ്യാപിച്ചാണ് പാർട്ടിയിലേക്ക് വരവേറ്റത്.