സ്‌പോർട്‌സ് കൗൺസിൽ സ്റ്റാൻഡിങ് കമ്മിറ്റി അംഗമായി ഐ എം വിജയൻ

കേരള സ്‌പോർട്‌സ് കൗൺസിൽ സ്റ്റാൻഡിങ് കമ്മിറ്റി അംഗമായി ഫുട്‌ബോൾ താരം ഐ എം വിജയനെ തെരഞ്ഞെടുത്തു. വിജയന് പുറമേ ജോർജ് തോമസ്, എം.ആർ.രഞ്ജിത്ത്, എസ്.രാജീവ്, കെ.റഫീഖ്, വി.സുനിൽകുമാർ, രഞ്ജു സുരേഷ് എന്നിവരാണ് മറ്റംഗങ്ങൾ. മന്ത്രി ഇ.പി ജയരാജനാണ് സ്‌പോർട്‌സ് കൗൺസിൽ അംഗങ്ങളെ തെരഞ്ഞെടുത്ത വിവരം ഫേസ്ബുക്കിലൂടെ അറിയിച്ചത്. അംഗങ്ങൾ തന്റെ ഓഫീസിലെത്തി കൂടിക്കാഴ്ച നടത്തിയതായും സംസ്ഥാനത്തെ കായിക വികസനത്തിന് ഊർജ്ജം പകരുന്ന നിരവധി നിർദേശങ്ങൾ ഇവർ മുന്നോട്ടു വെച്ചതായും മന്ത്രി ഫെയ്‌സ്ബുക്ക് കുറിപ്പിൽ പറയുന്നു.