ദക്ഷിണാഫ്രിക്കയെ വീഴ്ത്തി; ലോകകപ്പിൽ ഇന്ത്യയ്ക്ക് വിജയത്തുടക്കം

രോഹിത് ശർമ്മയുടെ തകർപ്പൻ സെഞ്ച്വറിയുടെ (122 നോട്ടൗട്ട്) മികവിൽ ലോകകപ്പിൽ ദക്ഷിണാഫ്രിക്കയ്‌ക്കെതിരെ ഇന്ത്യയ്ക്ക് ആറ് വിക്കറ്റ് വിജയം. 228 റൺസ് വിജയലക്ഷ്യവുമായിറങ്ങിയ ഇന്ത്യ 47.3 ഓവറിൽ 4 വിക്കറ്റ് നഷ്ടത്തിൽ ലക്ഷ്യം കാണുകയായിരുന്നു.തുടക്കത്തിലേ രണ്ട് വിക്കറ്റുകൾ നഷ്ടമായ ഇന്ത്യയെ ഒരറ്റത്ത് അവസാനം വരെ പിടിച്ചുനിന്ന രോഹിത് ശർമ്മയുടെ പ്രകടനമാണ് വിജയത്തിലേക്കെത്തിച്ചത്.ലോകകപ്പിൽ ദക്ഷിണാഫ്രിക്കയുടെ തുടർച്ചയായ മൂന്നാമത്തെ തോൽവിയാണിത്.

What a start to #CWC19 for India! A brilliant Rohit Sharma carries his bat to lead a six-wicket win!

South Africa slip to their third straight loss in the tournament. Is there a way back for them from here? #SAvIND SCORECARD ? https://t.co/BRFVfISGgy pic.twitter.com/c4FNsSSF8S

— ICC (@ICC) June 5, 2019

അവസാന പത്തോവറിൽ സ്‌കോറിങിന് വേഗം കൂട്ടിയ ധോണിയുടെയും (34) ഹാർദ്ദിക് പാണ്ഡ്യയുടെയും (15) ബാറ്റിങ്ങും ഇന്ത്യയുടെ വിജയത്തിൽ ഏറെ നിർണായകമായി.സ്‌കോർ 13 ൽ നിൽക്കെ ശിഖർ ധവാന്റെ വിക്കറ്റാണ് ഇന്ത്യക്ക് ആദ്യം നഷ്ടമായത്. 8 റൺസെടുത്ത ധവാനെ റബാഡയുടെ പന്തിൽ ഡികോക്ക് പിടികൂടുകയായിരുന്നു.

16 -ാം ഓവറിൽ വിരാട് കോലിയെയും നഷ്ടമായതോടെ പരുങ്ങലിലായ ഇന്ത്യയെ രോഹിത് ശർമ്മ-രാഹുൽ കൂട്ടുകെട്ടാണ് 100 കടത്തിയത്. 32-ാം ഓവറിൽ രാഹുലും മടങ്ങി. റബാഡയുടെ പന്തിൽ ഡുപ്ലെസിക്ക് ക്യാച്ച് നൽകിയായിരുന്നു രാഹുലിന്റെ മടക്കം.  ദക്ഷിണാഫ്രിക്കൻ നിരയിൽ റബാഡ രണ്ട് വിക്കറ്റും ക്രിസ് മോറിസ്, ആൻഡിൽ പെഹ്‌ലുക്വായോ എന്നിവർ ഓരോ വിക്കറ്റ് വീതവും വീഴ്ത്തി.