വയനാട്ടിൽ കാട്ടാനയുടെ ആക്രമണത്തിൽ തൊഴിലുറപ്പ് തൊഴിലാളിക്ക് പരിക്കേറ്റു

വയനാട് പുൽപ്പള്ളിയിൽ വേലിയമ്പം ചുള്ളിക്കാട് ഭാഗത്ത് കാട്ടാനയുടെ ആക്രമണത്തിൽ  സ്ത്രീക്ക് പരിക്കേറ്റു. തൊഴിലുറപ്പ് തൊഴിലാളിയായ വേലിയമ്പം കണ്ടാമല കോളനിയിലെ പത്മിനിക്കാണ് (45) പരിക്കേറ്റത്. ഇവരെ ഗുരുതര പരിക്കുകളോടെ മാനന്തവാടി ജില്ലാ ആശുപത്രിയിൽ പ്രവേശിപ്പിച്ചു.

Read Also; ഗവിയിൽ കെഎസ്ആർടിസിക്ക് നേരെ കാട്ടാനയുടെ ആക്രമണം

തൊഴിലുറപ്പ് പദ്ധതിയിൽപ്പെടുത്തി വനാതിർത്തിയോട് ചേർന്ന സ്വകാര്യ വ്യക്തിയുടെ സ്ഥലത്ത് നടക്കുന്ന കുളം നിർമ്മാണ ജോലിക്കെത്തിയതായിരുന്നു പത്മിനി. ഉച്ചയ്ക്ക് ഒന്നരയോടെ ഭക്ഷണം കഴിക്കാനായി പോകുമ്പോഴാണ് കാട്ടാനയുടെ ആക്രമണമുണ്ടായത്.