അശ്ലീല വരികൾ; യോ യോ ഹണി സിംഗിനെതിരെ കേസ്

പോപ് താരം യോ യോ ഹണി സിംഗിനെതിരെ കേസ്. സ്ത്രീകൾക്കെതിരെ അശ്ലീല വരികൾ എഴുതിയതിനാണ് കേസ്. മഖ്‌ന എന്ന ഗാനത്തിലെ വരികളുടെ പേരിലാണ് കേസ്.

പഞ്ചാബിലെ മൊഹാലി ജില്ലയിലെ മതൗർ പൊലീസ് സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്. പഞ്ചാബ് സംസ്ഥാന വനിതാ കമ്മീഷൻ നൽകിയ പരാതിയിലാണ് കേസ്.

സെക്ഷൻ 294, 509 എന്നീ വകുപ്പുകൾ പ്രകാരമാണ് താരത്തിനെതിരെ കേസെടുത്തിരിക്കുന്നതെന്ന് മൊഹാലി സീനിയർ സൂപ്രണ്ട് ഹർചരൺ സിംഗ് ഭുലാർ പറഞ്ഞു.