സ്‌റ്റേഷൻ ഹൗസ് ഓഫീസർ മുതൽ ഡിജിപി വരെ; മുഖ്യമന്ത്രി പൊലീസ് ഉദ്യോഗസ്ഥരുടെ യോഗം വിളിച്ചു

പൊലീസിനെതിരെ വ്യാപകമായ പരാതികൾ ഉയരുന്ന സാഹചര്യത്തിൽ മുഖ്യമന്ത്രി പിണറായി വിജയൻ പൊലീസ് ഉദ്യോഗസ്ഥരുടെ  യോഗം വിളിച്ചു. സ്‌റ്റേഷൻ ഹൗസ് ഓഫീസർ മുതൽ ഡിജിപി വരെയുള്ളവരുടെ യോഗമാണ് വിളിച്ചിരിക്കുന്നത്. ഈ മാസം 16 ന് തിരുവനന്തപുരത്താണ് യോഗം.

ഡിജിപി മുതൽ എസ്പിമാർ വരെയാണ് യോഗത്തിൽ നേരിട്ട് പങ്കെടുക്കുക. സി.ഐ മുതൽ മുകളിലേക്കുള്ളവർ വീഡിയോ കോൺഫറൻസ് വഴിയും യോഗത്തിൽ പങ്കെടുക്കണമെന്ന് നിർദേശിച്ചിട്ടുണ്ട്.നെടുങ്കണ്ടം കസ്റ്റഡിമരണം ഉൾപ്പെടെയുള്ള സംഭവങ്ങളുടെ പശ്ചാത്തലത്തിലാണ് മുഖ്യമന്ത്രി പൊലീസുകാരുടെ യോഗം വിളിച്ചിരിക്കുന്നത്.