രണ്ട് മക്കൾ മതിയെന്ന നിയമം വരണം; കൂടിയാൽ വോട്ടവകാശം നിഷേധിക്കണമെന്ന് കേന്ദ്രമന്ത്രി
രണ്ട് മക്കൾ മാത്രം മതിയെന്ന നിയമം രാജ്യത്ത് കൊണ്ടുവരണമെന്ന് കേന്ദ്രമന്ത്രി ഗിരിരാജ് സിംഗ്. നിയമലംഘനം നടത്തിയാൽ വോട്ടവകാശം റദ്ദാക്കണമെന്നും അദ്ദേഹം പറഞ്ഞു. രാജ്യത്തെ ജനസഖ്യ വർധനവിനെ ചൂണ്ടിക്കാട്ടിയാണ് ലോകജന സംഖ്യാദിനത്തില് ഗിരിരാജ് സിംഗിന്റെ അഭിപ്രായം.
ജനസംഖ്യാ ക്രമാതീതമായി വർധിക്കുന്നത് ഐക്യത്തിനും വിഭവങ്ങൾക്കും ഭീഷണിയാണ്. ജനസംഖ്യാ നിയന്ത്രണത്തിന് കടുത്ത നടപടി അല്ലാതെ മറ്റു മാർഗങ്ങളില്ല. ശക്തമായ നിയമം നിലവിൽ വരണമെന്നും പാർലമെന്റിൽ ഈ വിഷയം ചർച്ച ചെയ്യണമെന്നും ബെഗുസാരയ് എംപി കൂടിയായ ഗിരിരാജ് സിംഗ് ആവശ്യപ്പെട്ടു.
ഇസ്ലാമിക രാജ്യങ്ങൾ പോലും ജനസംഖ്യാ നിയന്ത്രണത്തിന് നടപടികൾ എടുക്കുന്നുണ്ട്. എന്നാൽ ഇന്ത്യയിൽ ജനസംഖ്യാ നിയന്ത്രണത്തെ മതങ്ങളുമായി ബന്ധിപ്പിക്കുകയാണെന്നും സിംഗ് പറഞ്ഞു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here