അരൂർ കായലിൽ ചാടിയ വിദ്യാർത്ഥിനിയുടെ മൃതദേഹം കണ്ടെത്തി

അരൂർ കായലിൽ നിന്നും ചാടിയ എരമല്ലൂർ സ്വദേശിനി ജിസ്‌ന ജോൺസന്റെ മൃതദേഹം കണ്ടെത്തി. അൽപ നേരം മുൻപ് സ്‌കൂബ ടീമാണ് മൃതദേഹം കണ്ടെത്തിയത്.

ഇന്ന് രാവിലെ എട്ട് മണിയോടെയായിരുന്നു ജിസ്‌ന കായലിൽ ചാടിയത്. പെൺകുട്ടി താഴേക്ക് ചാടുന്നത് ശ്രദ്ധയിൽപ്പെട്ട വഴിയാത്രക്കാർ വിവരം പൊലീസിൽ അറിയിക്കുകയായിരുന്നു. തുടർന്ന് പൊലീസും ഫയർഫോഴ്‌സ് സംഘവും സ്ഥലത്തെത്തി പരിശോധന നടത്തി. മണിക്കൂറുകൾ നീണ്ട പരിശോധനയ്ക്ക് ശേഷമാണ് ഇപ്പോൾ മൃതദേഹം കണ്ടെത്തിയിരിക്കുന്നത്.