അയർലൻഡ് 38ന് എല്ലാവരും പുറത്ത്; ഇംഗ്ലണ്ടിന് 143 റൺസ് വിജയം

ആദ്യ ഇന്നിം​ഗ്സിൽ വെറും 85 റൺസിന് ഓൾഔട്ടായതിന്റെ കണക്ക് അയർലൻഡിന്റെ രണ്ടാം ഇന്നിം​ഗ്സിൽ ഇം​ഗ്ലണ്ട് തീർത്തു. ലോർഡ്സ് ടെസ്റ്റിൽ 182 റൺസ് വിജയലക്ഷ്യവുമായിറങ്ങിയ അയർലൻഡിനെ വെറും 38 റൺസിന് ഓൾഔട്ടാക്കിയ ഇംഗ്ലണ്ട് എക ടെസ്റ്റ് പരമ്പരയിൽ 143 റൺസിൻ്റെ വിജയമാണ് കുറിച്ചത്.

രണ്ടാം ഇന്നിംഗ്സിൽ അയർലൻഡിനെ നിലം തൊടാൻ ഇംഗ്ലണ്ട് സമ്മതിച്ചില്ല. അയർലൻഡിനെ ഇം​ഗ്ലണ്ടിന്റെ രണ്ട് ബൗളർമാർ ചേർന്ന് എറിഞ്ഞൊതുക്കി. ടീം സ്കോർ 11-ൽ എത്തിയപ്പോൾ ക്യാപ്റ്റൻ വില്യം പോർട്ടർഫീൽഡിനെ നഷ്ടമായ അയർലൻഡിന് പിന്നെ നിവർന്നുനിൽക്കാൻ പോലുമായില്ല. പതിനൊന്ന് റൺസ് നേടിയ ജെയിംസ് മക്കല്ലമാണ് ഐറിഷ് നിരയിലെ ടോപ് സ്കോറർ. മറ്റ് കളിക്കാർക്കാർക്കും രണ്ടക്കം കടക്കാൻ കഴിഞ്ഞില്ല

ഇം​ഗ്ലണ്ടിനായി ക്രിസ് വോക്സും സ്റ്റുവർട്ട് ബ്രോഡും മാത്രമാണ് പന്തെറിഞ്ഞത്. ഇതിൽ വോക്സ് ആറ് വിക്കറ്റ് വീഴ്ത്തി. ബ്രോഡ് നാല് വിക്കറ്റും വീഴ്ത്തി.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top