Advertisement

ജമ്മു കശ്മീർ; സംസ്ഥാനത്ത് എല്ലാ ജില്ലകളിലും അതീവജാഗ്രത പാലിക്കാൻ പൊലീസ് മേധാവിമാർക്ക് ഡിജിപിയുടെ നിർദേശം

August 5, 2019
Google News 1 minute Read

ജമ്മു കശ്മീരുമായി ബന്ധപ്പെട്ട് കേന്ദ്ര സർക്കാർ കൈക്കൊണ്ട നടപടികളുടെ പശ്ചാത്തലത്തിൽ സംസ്ഥാനത്തെ എല്ലാ ജില്ലകളിലും അതീവ ജാഗ്രത പുലർത്താൻ സംസ്ഥാന പൊലീസ് മേധാവി ലോക്‌നാഥ് ബെഹ്‌റ ജില്ലാ പൊലീസ് മേധാവിമാർക്ക് നിർദേശം നൽകി. ക്രമസമാധാനപ്രശ്‌നങ്ങൾക്ക് ഇടയാക്കുന്ന തരത്തിലുള്ള യാതൊരു നടപടികളും അനുവദിക്കില്ലെന്ന് ഡിജിപി അറിയിച്ചു. വിവിധ കേന്ദ്രങ്ങളിൽ ആവശ്യത്തിന് പൊലീസ് ഉദ്യോഗസ്ഥരെ വിന്യസിക്കാനും സ്ഥിതിഗതികൾ സസൂക്ഷ്മം നിരീക്ഷിച്ച് നടപടി സ്വീകരിക്കാനും ജില്ലാ പൊലീസ് മേധാവിമാർക്ക് ഡിജിപി നിർദേശം നൽകിയിട്ടുണ്ട്.

Read Also; കാശ്മീർ; ക്രമസമാധാന പ്രശ്‌നങ്ങൾ ഉണ്ടാകാൻ സാധ്യതയുള്ള സംസ്ഥാനങ്ങളുടെ പട്ടികയിൽ കേരളവും

കശ്മീരിന്റെ പ്രത്യേക പദവി റദ്ദാക്കിയതുമായി ബന്ധപ്പെട്ട് ക്രമസമാധാന പ്രശ്‌നങ്ങളുണ്ടാകാൻ സാധ്യതയുള്ള സംസ്ഥാനങ്ങളുടെ പട്ടികയിൽ കേരളവും ഉൾപ്പെട്ട സാഹചര്യത്തിലാണ് ഡിജിപി അതീവ ജാഗ്രതാ നിർദേശം നൽകിയിരിക്കുന്നത്. ഏറ്റവുമധികം ക്രമസമാധാന പ്രശ്‌നങ്ങൾക്ക് സാധ്യതയുള്ള ഒമ്പത് സംസ്ഥാനങ്ങൾക്കൊപ്പമാണ് കേരളവുമുള്ളത്. സുരക്ഷ ആവശ്യമായ സംസ്ഥാനമായാണ് കേരളത്തെയും പട്ടികയിൽ ഉൾപ്പെടുത്തിയിരിക്കുന്നത്. കേരളത്തിൽ മലബാർ മേഖലയിൽ വലിയ പ്രക്ഷോഭത്തിന് സാധ്യതയുണ്ടെന്നാണ് കേന്ദ്ര ആഭ്യന്തരമന്ത്രാലയത്തിന് രഹസ്യാന്വേഷണ വിഭാഗം നൽകിയിരിക്കുന്ന വിവരം. കേരളത്തിന് പുറമേ ഉത്തർപ്രദേശ്,പശ്ചിമബംഗാൾ, ബീഹാർ, മധ്യപ്രദേശ്, അസം തുടങ്ങിയ സംസ്ഥാനങ്ങളാണ് ക്രമസമാധാന പ്രശ്‌നങ്ങൾക്ക് സാധ്യതയുള്ള സംസ്ഥാനങ്ങളുടെ പട്ടികയിലുള്ളത്.

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here