‘ആ ബെഞ്ചുകളിലിരിക്കാൻ ഇനി അവരെത്തില്ല’ സഹപാഠികൾക്ക് കണ്ണീരണിഞ്ഞ ആദരാഞ്ജലികളുമായി പോത്തുകല്ല് സ്‌കൂളിലെ വിദ്യാർത്ഥികൾ

കവളപ്പാറ ദുരന്തത്തിൽ പൊലിഞ്ഞ സഹപാഠികൾക്ക് ആദരാഞ്ജലികളർപ്പിച്ച് പോത്തുകല്ല് കാതോലിക്കേറ്റ് ഹയർ സെക്കൻഡറി സ്‌കൂളിലെ വിദ്യാർത്ഥികൾ. കവളപ്പാറ ദുരന്തത്തിൽ മരിച്ചവർക്ക് സ്‌കൂളിലെ വിദ്യാർത്ഥികളും അധ്യാപകരും ആദരാഞ്ജലികളർപ്പിച്ചു. നാട്ടുകാരുടെയും പിടിഎയുടെയും നേതൃത്വത്തിൽ അനുസ്മരണ യോഗവും മൗനജാഥയും നടത്തി. പോത്തുകല്ല് കാതോലിക്കേറ്റ് ഹയർ സെക്കൻഡറി സ്‌കൂളിലെ 6 വിദ്യാർത്ഥികളെയാണ് കവളപ്പാറ ദുരന്തത്തിൽ കാണാതായത്.

Read Also; പ്രദേശത്ത് വെള്ളത്തിന്റെ സാന്നിദ്ധ്യം; കവളപ്പാറയില്‍ ഭൂഗര്‍ഭ റഡാര്‍ ഉപയോഗിച്ചുള്ള പരിശോധന ഫലം കണ്ടില്ല

ഇതിൽ രണ്ട് പേരുടെ മൃതദേഹങ്ങൾ കണ്ടെടുത്തു. ഇനിയും നാലുപേരുടെ മൃതദേഹങ്ങൾ കൂടി കണ്ടെത്താനുണ്ട്. ഉരുൾപൊട്ടൽ വലിയ നാശനഷ്ടമുണ്ടാക്കിയ കവളപ്പാറയിൽ ഇന്നലെ ആറ് മൃതദേഹങ്ങൾ കൂടി രക്ഷാപ്രവർത്തകർ കണ്ടെത്തിയിരുന്നു. ഇതോടെ കവളപ്പാറ ദുരന്തത്തിൽ മരണസംഖ്യ 46 ആയി. മണ്ണിനടിയിൽ കിടക്കുന്ന മൃതദേഹങ്ങൾ കണ്ടെത്തുന്നതിനായി ഹൈദരാബാദിൽ നിന്നെത്തിച്ച ഭൂഗർഭ റഡാർ ഉപയോഗിച്ചും ഇന്നലെ തെരച്ചിൽ നടത്തിയിരുന്നു. എന്നാൽ മണ്ണിനടിയിൽ വെള്ളത്തിന്റെ സാന്നിദ്ധ്യം കൂടുതലായി ഉള്ളതിനാൽ സിഗ്നൽ ലഭിക്കുന്നതിന് പലപ്പോഴും തടസ്സം നേരിടുന്നുണ്ട്. കവളപ്പാറയിൽ ദുരന്തത്തിൽ കാണാതായവർക്കായുള്ള തെരച്ചിൽ ഇപ്പോഴും തുടരുകയാണ്.



നിങ്ങൾ അറിയാൻ ആഗ്രഹിക്കുന്ന വാർത്തകൾ
നിങ്ങളുടെ Facebook Messenger ൽ
Free Subscribe to Messenger Alerts
Breaking News:
കൊല്ലത്ത് കാണാതായ കുഞ്ഞിന്റെ മൃതദേഹം കണ്ടെത്തി
വീടിന് സമീപത്തുള്ള ഇത്തിക്കരയാറ്റിലാണ് മൃതദേഹം കണ്ടെത്തുന്നത്
Top
More