പിഎസ്‌സി പരീക്ഷാ ക്രമക്കേട്; പ്രണവിന്റെ സുഹൃത്തുക്കളാണ് ചോദ്യപേപ്പര്‍ നല്‍കിയതെന്ന് ഗോകുല്‍

പിഎസ്‌സി പരീക്ഷാ ക്രമക്കേടിൽ യൂണിവേഴ്സിറ്റി കോളേജിൽ നിന്ന് ചോദ്യ പേപ്പർ പുറത്തെത്തിച്ചവരെക്കുറിച്ച് ക്രൈം ബ്രാഞ്ചിന് വിവരം ലഭിച്ചുവെന്ന് സൂചന. കേസിൽ മൂന്നാം പ്രതി പ്രണവിന്റെ സുഹൃത്തുക്കളാണ് ചോദ്യപേപ്പർ നൽകിയതെന്ന് ഗോകുൽ ചോദ്യം ചെയ്യലിൽ മൊഴി നൽകി.

ഇതിന്റെ അടിസ്ഥാനത്തിലാണ് അന്വേഷണം. അതേ സമയം കേസിലുൾപ്പെട്ട കൂടുതൽ പ്രതികളെ ക്രൈംബ്രാഞ്ച് അന്വേഷണ സംഘം തിരിച്ചറിഞ്ഞിരുന്നു. ഇവരുടെ അറസ്റ്റ് ഉടൻ ഉടൻ ഉണ്ടായേക്കും. പൊലീസ് കോൺസ്റ്റബിൾ പരീക്ഷ യൂണിവേഴ്സിറ്റി കോളേജിലെഴുതിയവരുടെ വിവരങ്ങൾ ക്രൈം ബ്രാഞ്ച് സംഘം പിഎസ്‌സിയോട് തേടിയിട്ടുണ്ട്.