ക്രിക്കറ്റ് കളിക്കിടെ പെല്ലറ്റ് ആക്രമണം; ‘തെരുവിലെ വിരാട്’ മരണത്തിനു കീഴടങ്ങി: പരിക്കേറ്റത് കല്ലേറിലെന്നവകാശപ്പെട്ട നിലപാടിൽ മലക്കം മറിഞ്ഞ് പൊലീസ്

“ക​ഴി​ഞ്ഞ ലോ​ക​ക​പ്പി​ൽ ഇ​ന്ത്യ പു​റ​ത്താ​യ​പ്പോ​ൾ​പോ​ലും വി​രാ​ട്​ കോലിയെ ആ​രെ​ങ്കി​ലും വി​മ​ർ​ശി​ക്കു​ന്ന​ത്​ അ​സ്​​റാ​ർ സ​ഹി​ച്ചി​രു​ന്നി​ല്ല. ഈ ​തെ​രു​വി​ലെ വി​രാ​ട്​ എ​ന്നാ​യി​രു​ന്നു എ​ല്ലാ​വ​രും അ​വ​നെ വി​ളി​ച്ചി​രു​ന്ന​ത്. അ​വ​​ൻ്റെ മൊ​ബൈ​ൽ സ്​​​ക്രീ​ൻ​സേ​വ​ർ പോ​ലും കോലിയുടെ പ​ട​മാ​യി​രു​ന്നു”- ജ​മ്മു-​ക​ശ്​​മീ​രി​ലെ സൗ​റ​ക്ക​ടു​ത്ത ഇ​ലാ​ഹി ബാ​ഘി​ൽ പെ​ല്ല​റ്റ്​ വെ​ടി​യേ​റ്റ്​ മ​ര​ണ​ത്തി​നു കീ​ഴ​ട​ങ്ങി​യ അ​സ്​​റാ​ർ വാ​നി​യെ​ന്ന പ​ത്താം​ക്ലാ​സു​കാ​ര​​ൻ്റെ അനിയനാണ് പറയുന്നത്.

ആ​ഗ​സ്​​റ്റ്​ ആ​റി​ന്​ ക്രി​ക്ക​റ്റ്​ ക​ളി​ച്ചു​കൊ​ണ്ടി​രി​ക്കെയാണ് ക​ണ്ണീ​ർ​വാ​ത​ക ഷെ​ല്ലും പെ​ല്ല​റ്റും ഏ​റ്റ് അസ്റാറിനു ഗുരുതര പരിക്കേറ്റത്. ഷേ​രെ-​ക​ശ്​​മീ​ർ ഇ​ൻ​സ്​​റ്റി​റ്റ്യൂ​ട്ട്​ ഓ​ഫ്​ മെ​ഡി​ക്ക​ൽ സ​യ​ൻ​സ​സി​ൽ (എ​സ്കെ​ഐഎം​എ​സ്) ചികിസ്തയിലായിരുന്ന ഈ 17കാരൻ​ ക​ഴി​ഞ്ഞ​യാ​ഴ്​​ച ജീ​വ​ൻ വെടിഞ്ഞു. മ​ര​ണ​ കാ​ര​ണം പെ​ല്ല​റ്റും ഷെ​ല്ലും കൊ​ണ്ടു​ള്ള പ​രി​ക്കാ​ണെ​ന്ന്​ ആ​ശു​പ​ത്രി രേ​ഖ​ക​ൾ പ​റ​യു​ന്നു.

അ​തേ​സ​മ​യം, ക​ല്ലേ​റി​ൽ പ​രിക്കേ​റ്റ​താ​ണെ​ന്ന്​ ആ​ദ്യം പ്ര​തി​ക​രി​ച്ച ജ​മ്മു-​ക​ശ്​​മീ​ർ പൊ​ലീ​സ്,​ മെ​ഡി​ക്ക​ൽ റി​പ്പോ​ർ​ട്ട്​ പു​റ​ത്തു​വ​ന്ന​പ്പോ​ൾ മ​ല​ക്കം മ​റി​ഞ്ഞു. അ​തി​ൽ അ​വ്യ​ക്ത​ത​ക​ളു​ണ്ടെ​ന്നും അ​ന്വേ​ഷ​ണം ന​ട​ത്തി​വ​രി​ക​യാ​ണെ​ന്നുമാണ് ഇപ്പോൾ അവരുടെ നിലപാട്. ഓ​ൺ​ലൈ​ൻ വാ​ർ​ത്താ പോ​ർ​ട്ട​ലാ​യ ‘ദി ​പ്രി​ൻ​റ്​’ ആ​ണ്​ മെ​ഡി​ക്ക​ൽ റി​പ്പോ​ർ​ട്ട്​ പു​റ​ത്തു​വി​ട്ട​ത്.

മൈ​താ​ന​ത്ത്​ ​ക്രി​ക്ക​റ്റ്​ ക​ളി​ച്ചു​​കൊ​ണ്ടി​രിക്കെ തെ​റി​ച്ചു​വീ​ണ പ​ന്തെ​ടു​ക്കാ​ൻ പോ​യ അ​സ്​​റാ​​റി​നു നേ​രെ ആ​ദ്യം വ​ന്ന​ത്​ ക​ണ്ണീ​ർ​വാ​ത​ക ഷെ​ൽ ആ​യി​രു​ന്നു. അ​തോ​ടെ ക​ണ്ണു​കാ​ണാ​താ​യ അ​വ​ൻ നി​ല​ത്തി​രു​ന്നു. തു​ട​ർ​ന്നാ​ണ്​ മു​ഖം ല​ക്ഷ്യ​മാ​ക്കി പെ​ല്ല​റ്റ്​ വെ​ടി വ​ന്ന​തെ​ന്ന്​ ദൃ​ക്​​സാ​ക്ഷി​യാ​യ സ​ഹോ​ദ​ര​ൻ പ​റ​യു​ന്നു.

സ​യ​ൻ​സി​നും ക​ണ​ക്കി​നും നൂ​റു​ശ​ത​മാ​ന​വും ആ​കെ 90 ശ​ത​മാ​ന​വും രേ​ഖ​പ്പെ​ടു​ത്തി​യ, അ​സ്​​റാ​റി​ൻ്റെ മാ​ർ​ക്​​ലി​സ്​​റ്റ്​ ഉ​യ​ർ​ത്തി​പ്പി​ടി​ച്ചു കൊ​ണ്ട്​ അ​വ​​ൻ്റെ ഉ​മ്മ ചോ​ദി​ച്ച​ത്, ഒ​രു ക​ല്ലേ​റു​കാ​ര​ൻ്റെ മാ​ർ​ക്​​ലി​സ്​​റ്റ്​ ആ​ണി​തെ​ന്ന്​ തോ​ന്നു​ന്നു​ണ്ടോ എ​ന്നാ​യി​രു​ന്നു. പ​ഠ​ന​ത്തി​ലും അ​തു​ക​ഴി​ഞ്ഞാ​ൽ ക്രി​ക്ക​റ്റി​ലും മാ​ത്ര​മാ​യി​രു​ന്നു അ​വ​ൻ്റെ ശ്ര​ദ്ധ​യെ​ന്നും ക​ല്ലേ​റി​ൽ ഒ​രി​ക്ക​ലും അ​വ​ൻ പ​​ങ്കെ​ടു​ക്കാ​റി​ല്ലാ​യി​രു​ന്നു​വെ​ന്നും രാ​ഷ്​​ട്രീ​യ മാ​റ്റ​ങ്ങ​ൾ പോ​ലും അ​വ​ൻ ശ്ര​ദ്ധി​ക്കാ​റി​ല്ലെ​ന്നും മാ​താ​വ്​ വി​വ​രി​ച്ചു. എ​ട്ടാം​ക്ലാ​സ്​ മു​ത​ൽ പ​ഠി​പ്പി​ച്ച അ​ധ്യാ​പ​ക​ൻ പ​റ​ഞ്ഞ​ത്, അ​സ്​​റാ​ർ അ​തി​ബു​ദ്ധി​ശാ​ലി​യാ​യ വി​ദ്യാ​ർ​ഥി​യാ​യി​രു​ന്നു എ​ന്നാ​ണ്.

ക​ണ്ണീ​ർ​വാ​ത​കം പ്ര​യോ​ഗി​ച്ച​പ്പോ​ൾ ഓ​ടാ​ഞ്ഞ​തും മു​ഖം മ​റ​ച്ചു​പി​ടി​ക്കാ​ഞ്ഞ​തും എ​ന്തു​കൊ​ണ്ടാ​ണെ​ന്ന്​ ചോ​ദി​ച്ച​പ്പോ​ൾ, ക​ണ്ണു നീ​റി ഒ​ന്നും കാ​ണാ​ൻ വ​യ്യാ​തെ പോ​യ​തു​കൊ​ണ്ടാ​ണെ​ന്നാ​യി​രു​ന്നു അ​വ​ൻ്റെ മ​റു​പ​ടി എ​ന്ന്, അ​സ്​​റാ​റി​നെ ആ​ശു​പ​ത്രി​യി​ലെ​ത്തി​ച്ച അ​മ്മാ​വ​ൻ ഇ​ർ​ഫാ​ൻ ഖാ​ൻ വി​വ​രി​ച്ചു. പെ​ല്ല​റ്റ്​ നീ​ക്കം ചെ​യ്യാ​ൻ ശ​സ്​​ത്ര​ക്രി​യ നി​ശ്ച​യി​ച്ചെ​ങ്കി​ലും ആ​രോ​ഗ്യ​നി​ല വ​ഷ​ളാ​യ​തോ​ടെ ഓപ​റേ​ഷ​ൻ തി​യ​റ്റ​റി​ൽ​നി​ന്ന്​ തി​രി​ച്ച്​ വെൻ്റി​ലേ​റ്റി​ലാ​ക്കി​യ അ​സ്​​റാ​ർ പി​ന്നീ​ട്​ മ​ര​ണ​ത്തി​നു കീ​ഴ​ട​ങ്ങു​ക​യാ​യി​രു​ന്നു.


‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top