ഗുജറാത്തിൽ പാതിരാത്രി നഗരത്തിൽ വിലസി സിംഹക്കൂട്ടം; വീഡിയോ

പാതിരാത്രിയില്‍ നഗരമധ്യത്തിലിറങ്ങിയ സിംഹക്കൂട്ടത്തെ കണ്ട് അമ്പരന്നിരിക്കുകയാണ് ഗുജറാത്തിലെ ജുനഗഡ് ജില്ലയിലുള്ള ജനങ്ങള്‍. ശക്തമായ മഴ തുടരുന്ന സാഹചര്യത്തിലാണ് സിംഹങ്ങള്‍ കൂട്ടമായി കാടിറങ്ങിയത്. ഗുജറാത്തിലെ വഡോദരയില്‍ മഴ വെള്ളത്തില്‍ ചീങ്കണ്ണി ഒഴുകിയെത്തിയിട്ട് ഏതാനും ദിവസങ്ങളേ ആയിട്ടുള്ളൂ. അതിനു പിന്നാലെയാണ് മഴയെ തുടര്‍ന്ന് സിംഹങ്ങള്‍ കാടിറങ്ങിയ വീഡിയോ സോഷ്യല്‍ മീഡിയയില്‍ വൈറലായിരിക്കുന്നത്.

ഏഴ് സിംഹങ്ങളുള്ള വീഡിയോയാണ് ഇപ്പോള്‍ പുറത്തുവന്നിരിക്കുന്നത്. ഗുജറാത്തിലെ ഒരു തെരുവിലാണ് സംഭവം. നടു റോഡില്‍ എത്തിയ സിംഹങ്ങള്‍ ഗര്‍ജ്ജിക്കുന്നതും വീഡിയോയില്‍ കാണാം.

ഗിര്‍നാര്‍ മലനിരകളുടെ താഴ്‌വരയിലാണ് ഈ പട്ടണം. ഗിര്‍ വനമേഖലയില്‍ നിന്നിറങ്ങിയതാകാം ഇവയെന്നാണ് നിഗമനം.

#WATCH Viral video of a pride of lions seen roaming around a city road in Junagadh, which is near Girnar Wildlife Sanctuary. #Gujarat pic.twitter.com/QnpNQrb5yX

— ANI (@ANI) September 14, 2019