ഓൺലൈൻ മൊബൈൽ വിൽപനയിൽ വൻ കുതിച്ചുകയറ്റം

സാധനങ്ങൾ ഓൺലൈൻ വഴി വാങ്ങുന്ന പ്രവണത വർധിച്ചിരിക്കുകയാണ്. എന്തിനും ഏതിനും ഓൺലൈനെ ആശ്രയിക്കുന്ന അവസ്ഥ. സ്മാർട്‌ഫോണുകളുടെ കാര്യം പറയുകയും വേണ്ട. ഓൺ ലൈൻ വിൽപനയിൽ മൊബൈൽ ഫോണാണ് ഒന്നാമതെന്നതാണ് ഏറ്റവും പുതിയ വിവരം. ഈ വർഷത്തെ രണ്ടാംപാദ കണക്കെടുപ്പിൽ ഓൺലൈൻ മൊബൈൽ വിൽപനയിൽ 26 ശതമാനത്തിന്റെ വർധനവാണ് രേഖപ്പെടുത്തിയത്.

46 ശതമാനം വളർച്ചനേടി ഷാവോമിയാണ് മുന്നിൽ. റിയൽമി, സാംസങ് എന്നീ കമ്പനികളും തൊട്ടുപിന്നിലുണ്ട്. ഷാവോമിയുടെ റെഡ്മി സീരിസാണ് ഓൺലൈൻ വിൽപനത്തിൽ കുതിച്ചുചാട്ടം നടത്തിയത്. റെഡ്മി നോട്ട് 7 പ്രോ സീരിസ്, റെഡ്മി 6 എ, റെഡ്മി നോട്ട് 6 പ്രോ, റെഡ്മി ഗോ എന്നിവയ്ക്കാണ് ആവശ്യക്കാർ ഏറെ.

കടയിൽ നിന്ന് നേരിട്ടുള്ള മൊബൈൽ വിൽപനയിൽ നാല് ശതമാനം ഇടിവാണുണ്ടായത്. കൗണ്ടർപോയിന്റ് മാർക്കറ്റ് മോണിറ്റർ സർവീസിന്റെ ഏറ്റവും പുതിയ ഗവേഷണത്തിലാണ് ഇക്കാര്യങ്ങളുള്ളത്.


‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top