എലത്തൂരിൽ ഓട്ടോ ഡ്രൈവർ ആത്മഹത്യ ചെയ്ത സംഭവത്തിൽ രണ്ട് പേർ കൂടി അറസ്റ്റിൽ

കോഴിക്കോട് എലത്തൂരിൽ ഓട്ടോ ഡ്രൈവർ രാജേഷ് തീ കൊളുത്തി ആത്മഹത്യ ചെയ്ത സംഭവത്തിൽ രണ്ട് പേർ കൂടി അറസ്റ്റിൽ. സിപിഎം അനുഭാവികളായ റിഷാജ്, മുഹമ്മദ് നാസിക് എന്നിവരാണ് പിടിയിലായത്. ഇതോടെ അറസ്റ്റിൽ ആയവരുടെ എണ്ണം ആറായി. എലത്തൂർ ഏരോത്ത് താഴത്ത് മുരളി, സിഐടിയു നേതാവ് ഖദാസി, ഒറ്റക്കണ്ടത്തിൽ ശ്രീലേഷ്, കളങ്കോളി താഴം ഷൈജു എന്നിവരെയാണ് കഴിഞ്ഞ ദിവസം അറസ്റ്റ് ചെയ്തത്.

Read more:തൊഴിലാളികളുടെ മർദനത്തിൽ മനംനൊന്ത് ആത്മഹത്യക്ക് ശ്രമിച്ച ഓട്ടോ തൊഴിലാളി മരിച്ചു

കഴിഞ്ഞ പതിനഞ്ചാം തീയതിയായിരുന്നു അനധികൃതമായി ഓട്ടോ ഓടിക്കുന്നുവെന്ന് ആരോപിച്ച് പ്രതികൾ രാജേഷിനെ മർദിച്ചത്. മർദനത്തിൽ മനം നൊന്ത് പെട്രോൾ ഓഴിച്ച് തീകൊളുത്തിയ രാജേഷ് മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ ശനിയാഴ്ച രാത്രിയോടെയാണ് മരിച്ചത്.


‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top