ഐഎൻഎക്‌സ് മീഡിയ കേസ്; പി ചിദംബരത്തിന്റെ ജാമ്യാപേക്ഷ സുപ്രിംകോടതി ഇന്ന് പരിഗണിക്കും

ഐഎൻഎക്‌സ് മീഡിയക്കേസിൽ മുതിർന്ന കോൺഗ്രസ് നേതാവും മുൻ ധനമന്ത്രിയുമായ പി ചിദംബരം സമർപ്പിച്ച ജാമ്യാപേക്ഷ സുപ്രിംകോടതി ഇന്ന് പരിഗണിക്കും.

Read More: ഐഎൻഎക്‌സ് മീഡിയക്കേസ്; പി ചിദംബരത്തിന്റെ ജുഡീഷ്യൽ കസ്റ്റഡി ഈമാസം പതിനേഴ് വരെ നീട്ടി

ജസ്റ്റിസ് ആർ. ബാനുമതി അധ്യക്ഷയായ ബെഞ്ചാണ് വാദം കേൾക്കുന്നത്. ചിദംബരം സാക്ഷികളെ സ്വാധീനിക്കുമെന്ന സിബിഐ വാദം അംഗീകരിച്ച് ഡൽഹി ഹൈക്കോടതി ജാമ്യാപേക്ഷ തള്ളിയിരുന്നു.

എന്നാൽ, യാതൊരു അടിസ്ഥാനവുമില്ലാത്ത ആരോപണമാണ് സിബിഐ ഉന്നയിക്കുന്നതെന്ന് സുപ്രിംകോടതിയിൽ സമർപ്പിച്ച ഹർജിയിൽ ചിദംബരം ചൂണ്ടിക്കാട്ടി. നിലവിൽ തിഹാർ ജയിലിൽ ജുഡീഷ്യൽ കസ്റ്റഡിയിൽ കഴിയുകയാണ് ചിദംബരം.