തൃശൂരിൽ കാണാതായ പെട്രോൾ പമ്പുടമ ദുരൂഹ സാഹചര്യത്തിൽ മരിച്ച നിലയിൽ

തൃശൂരിൽ കാണാതായ പെട്രോൾ പമ്പുടമയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കയ്പമംഗലത്ത് നിന്ന് കാണാതായ കോഴിപറമ്പിൽ മനോഹരനെയാണ് മരിച്ച നിലയില്‍ കണ്ടെത്തിയത്.

ഗുരുവായൂരിൽ ആണ് മൃതദേഹം കണ്ടെത്തിയത്. കൈകൾ പിന്നിലേക്ക് കൂട്ടിക്കെട്ടിയ നിലയിലായിരുന്നു മൃതദേഹം. വഴിയമ്പലത്തെ മൂന്നുപീടിക ഫ്യുവൽസ് ഉടമയാണ് മനോഹരൻ.

ശ്വാസം മുട്ടിച്ച് കൊന്നതാകാമെന്നതാണ് പൊലീസിന്റെ പ്രാഥമിക നിഗമനം.  മനോഹരൻ കാറിൽ പുറത്തേക്ക് പോകുന്ന ദൃശ്യങ്ങൾ പെട്രോൾ പമ്പിലെ സിസിടിവിയിൽ പതിഞ്ഞിട്ടുണ്ട്. ഇതിന്‍റെ അടിസ്ഥാനത്തില്‍ പൊലീസ് അന്വേഷണം ആരംഭിച്ചു.