ബിജെപിയിലേക്കെന്ന വാർത്തകൾ തള്ളി സൗരവ് ഗാംഗുലി
ബിജെപിയിലേക്കെന്ന വാർത്തകൾ തള്ളി നിയുക്ത ബിസിസിഐ അധ്യക്ഷനും മുൻ ദേശീയ താരവുമായ സൗരവ് ഗാംഗുലി. അമിത് ഷായുമായി നടന്ന കൂടിക്കാഴ്ചയുടെ ചുവടു പിടിച്ച് വന്ന വാർത്തകളെയാണ് ഗാംഗുലി തള്ളിയത്. കൂടിക്കാഴ്ചയിൽ രാഷ്ട്രീയം സംസാരിച്ചില്ലെന്നും ആദ്യമായാണ് താൻ അമിത് ഷായെ കാണുന്നതെന്നും ഗാംഗുലി പ്രതികരിച്ചു.
പ്രസിഡൻ്റ് സ്ഥാനം ലഭിക്കുമോ എന്ന തരത്തിലുള്ള ചർച്ചകൾ ഉയർന്നില്ല. ബിജെപിയിൽ ചേർന്നാലേ സ്ഥാനം ലഭിക്കൂ എന്ന മട്ടിലും ചർച്ചകൾ നടന്നില്ല. നേരത്തെ പശ്ചിമ ബംഗാൾ മുഖ്യമന്ത്രി മമത ബാനർജിയെ കണ്ടപ്പോഴും താൻ ഇത്തരം ചർച്ചകൾ കേട്ടിട്ടുണ്ടെന്നും ഗാംഗുലി കൂട്ടിച്ചേർത്തു.
അമിത് ഷായും മാധ്യമ വാർത്തകളെ തള്ളിക്കളഞ്ഞു. ബിസിസിഐക്ക് ഒരു തെരഞ്ഞെടുപ്പ് പ്രക്രിയ ഉണ്ടെന്നും താനല്ല പ്രസിഡൻ്റിനെ തെരഞ്ഞെടുക്കുന്നതെന്നും അമിത് ഷാ പറഞ്ഞു.
അമിത്ഷായുടെ മകനും ഗുജറാത്ത് ക്രിക്കറ്റ് അസോസിയേഷൻ ജോയിന്റ് സെക്രട്ടറിയുമായ ജെയ് ഷാ ബിസിസിഐ സെക്രട്ടറിയായാകും. കേരള ക്രിക്കറ്റ് അസോസിയേഷന് അധ്യക്ഷന് ജയേഷ് ജോര്ജ് ബിസിസിഐ ജോയിന്റ് സെക്രട്ടറിയാകും. എന്. ശ്രീനിവാസന് പിന്തുണയ്ക്കുന്ന ബ്രിജേഷ് പട്ടേല് ഐപിഎല് ചെയര്മാനായേക്കും.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here