ശ്രീധരൻപിള്ള ഇന്ന് ബിജെപിയിൽ നിന്ന് രാജിവയ്ക്കും

പി എസ് ശ്രീധരൻപിള്ള ബിജെപിയുടെ പ്രാഥമിക അംഗത്വത്തിൽ നിന്ന് ഇന്ന് രാജിവയ്ക്കും. മിസോറാം ഗവർണറായി ചുമതലയേൽക്കുന്നതിന് മുന്നോടിയായിട്ടാണ് പാർട്ടി അംഗത്വം രാജിവയ്ക്കുന്നത്. നവംബർ അഞ്ചിനോ ആറിനോ ഗവർണറായി സത്യപ്രതിജ്ഞ ചെയ്യുമെന്നും ശ്രീധരൻ പിള്ള അറിയിച്ചു.

കൊച്ചിയിൽ ആർഎസ്എസ് കാര്യാലയത്തിലെത്തി ശ്രീധരൻപിള്ള നേതാക്കളെ സന്ദർശിച്ചു. ഗവർണറാകുന്നതിന് മുമ്പായി തന്റെ ബാർ കൗൺസിൽ അംഗത്വവും മരവിപ്പിക്കുമെന്ന് അദ്ദേഹം പറഞ്ഞു. രാഷ്ട്രപതി നിർദേശിച്ചതനുസരിച്ചാണ് ബിജെപി അംഗത്വം രാജിവയ്ക്കുന്നത്.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top