കോഴിക്കോട് വിവിധയിടങ്ങളിൽ ഇന്ന് മുതൽ ഡിസംബർ 15 വരെ വൈദ്യുതി വിതരണം തടസപ്പെടും
കോഴിക്കോട് വിവിധയിടങ്ങളിൽ ഇന്ന് മുതൽ ഡിസംബർ 15 വരെ വൈദ്യുതി വിതരണം തടസപ്പെടും. വെള്ളിമാടുകുന്ന്, കോവൂർ, പൊറ്റമ്മൽ, മാങ്കാവ്, പന്തീരാങ്കാവ്, അരീക്കാട് ഇലക്ട്രിക്കൽ സെക്ഷൻ പരിധിയിലുള്ള ഉപഭോക്താക്കൾക്കാണ് വൈദ്യുതി വിതരണം തടസപ്പെടുക. വൈദ്യുതി വിതരണം ഇന്ന് മുതൽ ഡിസംബർ 15 വരെയുള്ള ദിവസങ്ങളിൽ രാവിലെ എട്ടിനും വൈകുന്നേരം ആറിനും ഇടയിൽ ഭാഗികമായോ പൂർണ്ണമായോ തടസപ്പെടാൻ സാധ്യതയുണ്ടെന്ന് കോഴിക്കോട് ട്രാൻസ്ഗ്രിഡ് ഡിവിഷൻ എക്സ്ക്യുട്ടീവ് എൻജിനിയർ അറിയിച്ചു.
Read Also : കേരളത്തിന്റെ വൈദ്യുതി പ്രതിസന്ധിക്ക് പരിഹാരമായി ഇടമൺ-കൊച്ചി പവർ ഹൈവേ; ഉദ്ഘാടനം നാളെ
കെഎസ്ഇബിയുടെ ട്രാൻസ്ഗ്രിഡ് പദ്ധതിയുടെ ഭാഗമായി നല്ലളം 220 കെവി സബ്സ്റ്റേഷനിൽ നിന്നും മേപ്പയൂർ 110 കെവി സബ് സ്റ്റേഷൻ വരെയുള്ള 110 കെവി ലൈനിന്റെ നവീകരണ പ്രവർത്തനങ്ങൾ നടക്കുകയാണ്. 55.52 കിലോമീറ്റർ വരുന്ന ലൈനിന്റെ കൊയിലാണ്ടി സബ്സ്റ്റേഷൻ മുതൽ വെസ്റ്റ്ഹിൽ സബ് സ്റ്റേഷൻ വരെയുള്ള 44 കിലോമീറ്റർ ലൈൻ നവീകരണം പൂർത്തിയായി. വെസ്റ്റ്ഹിൽ സബ്സ്റ്റേഷൻ മുതൽ നല്ലളം സബ്സ്റ്റേഷൻ വരെയും ഉള്ള ലൈനിന്റെ ശേഷ വർധിപ്പിക്കുന്ന ജോലികളാണ് ഇപ്പോൾ നടന്നുകൊണ്ടിരിക്കുന്നത്.
ലൈൻ നവീകരണ പ്രവർത്തനങ്ങളുടെ ഭാഗമായാണ് വെസ്റ്റ്ഹിൽ, ചേവായൂർ, മാങ്കാവ്, പുതിയറ, നല്ലളം സബ്സ്റ്റേഷനുകളിൽ നിന്നുള്ള 11 കെവി ഫീഡറുകൾ വഴി വൈദ്യുതി വിതരണം ചെയ്യുന്ന വെള്ളിമാട്കുന്ന്, കോവൂർ, പൊറ്റമ്മൽ, മാങ്കാവ്, പന്തീരാങ്കാവ്, അരീക്കാട് ഇലക്ട്രിക്കൽ സെക് ഷൻ പരിധിയിലുള്ള ഉപഭോക്താക്കൾക്ക് വൈദ്യുതി വിതരണം തടസപ്പെടുക.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here