ഓർമ നഷ്ടപ്പെട്ട വയോധികനെ തിരിച്ചറിഞ്ഞു

ഓർമ നഷ്ടപ്പെട്ട വയോധികനെ തിരിച്ചറിഞ്ഞു. എംഎം ജോൺ എന്നാണ് ഇയാളുടെ പേര്. കോട്ടയ ചിങ്ങവനം സ്വദേശിയാണ് എംഎം ജോൺ. 24 വാർത്ത കണ്ട് മകനാണ് തിരിച്ചറിഞ്ഞത്.

ഉച്ചയ്ക്ക് 1.30 മുതൽ ഈ സമയം വരെ ജോൺ തൃശൂർ കെഎസ്ആർടിസി സ്റ്റാൻഡിലായിരുന്നു. ചില സമയത്ത് ജോണിന് ഓർമ വരുമെങ്കിലും ചിലതൊന്നും ഓർത്തെടുക്കാൻ സാധിച്ചിരുന്നില്ല. ജോണിന്റെ പേര് എന്താണെന്നോ വീട് എവിടെയാണെന്നോ അറിയുമായിരുന്നില്ല. ഇയാളുടെ ഭാര്യ നേരത്തെ മരിച്ചുപോയതാണെന്ന് ജോൺ പറഞ്ഞിരുന്നു.

Read Also : ഓർമ നഷ്ടപ്പെട്ട വയോധികൻ ബന്ധുക്കളെ തേടുന്നു

ഓർമ നഷ്ടപ്പെട്ട ജോണിനെ വീട്ടിലെത്തിക്കാൻ പ്രേക്ഷകരുടെ സഹായം ട്വന്റിഫോർ തേടിയിരുന്നു. ഇതിന് പിന്നാലെയാണ് മകൻ അച്ഛനെ തിരിച്ചറിഞ്ഞ് ട്വന്റിഫോറുമായി ബന്ധപ്പെടുന്നത്.