മുംബൈയില്‍ പാര്‍പ്പിട സമുച്ചയത്തില്‍ തീപിടിത്തം: ആളുകള്‍ കുടുങ്ങിക്കിടക്കുന്നു

മുംബൈയിലെ വിലെ പാര്‍ലെ ഏരിയയില്‍ പാര്‍പ്പിട സമുച്ചയത്തില്‍ വന്‍ തീപിടിത്തം. പതിമൂന്ന് നില കെട്ടിടത്തിനാണ് തീപിടിച്ചിരിക്കുന്നത്. കെട്ടിടത്തിന്റെ ഏഴ്, എട്ട് നിലകളിലാണ് തീപിടിത്തമുണ്ടായത്. ഇവിടെ ആളുകള്‍ കുടുങ്ങിക്കിടക്കുന്നതായി സംശയമുണ്ട്. രാത്രി 7.10 ഒാടെയാണ് തീപിടിത്തമുണ്ടായത്.

പത്തോളം ഫയര്‍ എന്‍ജിനുകള്‍ സ്ഥലത്ത് എത്തിയിട്ടുണ്ട്. സ്ഥിതി ഗതികള്‍ നിരീക്ഷിച്ചു വരികയാണെന്നും എല്ലാവരെയും രക്ഷിക്കാന്‍ സാധിക്കുമെന്നും അഗ്നിശമന സേനാ ഉദ്യോഗസ്ഥര്‍ പറഞ്ഞു.