ബുർജ് ഖലീഫയ്ക്ക് പത്താം പിറന്നാൾ

ലോകത്തിലെ ഏറ്റവും ഉയരം കൂടിയ കെട്ടിടമായ ബുർജ് ഖലീഫയ്ക്ക് പത്താം പിറന്നാൾ. വർണ്ണാഭമായ എൽഇഡി ലൈറ്റിനോട് കൂടിയാണ് ആഘോഷ പരിപാടികൾ നടന്നത്.

ദുബായിൽ ഏറ്റവും കൂടുതൽ സന്ദർശകരെ ആകർഹിക്കുന്ന ബുർജ് ഖലീഫ തുറന്നിട്ട് പത്തു വർഷങ്ങൾ പിന്നിടുന്നു. അമേരിക്കൻ വാസ്തു ശില്പി അഡ്രിയാൻ സ്മിത്താണ് ഈ അത്ഭുതം രൂപകൽപന ചെയ്തത്. ഹോട്ടലുകൾ, അപ്പാർട്ട്‌മെന്റുകൾ, ഓഫീസുകൾ , ഭക്ഷണശാലകൾ തുടങ്ങി ഉയരത്തിൽ നിന്നും വീക്ഷിക്കാനുള്ള ഒബ്‌സർവേറ്ററികളും ബുർജ് ഖലീഫയിൽ ഉണ്ട്.

828 മീറ്റർ ഉയരത്തിൽ തല ഉയർത്തി നിൽക്കുന്ന ബുർജ് ഖലീഫയ്ക്ക് പാരിസിലെ ഈഫൽ ടവറിനെക്കാളും മൂന്നിരട്ടി വലിപ്പമുണ്ട്. കൂടാതെ നിരവധി റെക്കോർഡുകളും ഈ സൗധത്തിനു സ്വന്തം. ഏറ്റവും ഉയരമുള്ള കെട്ടിടം, ഭൂമിയിലെ ഏറ്റവും ഉയരമുള്ള സ്വതന്ത്ര നിർമിതി, ഏറ്റവും ഉയരത്തിലേക്കുള്ള ലിഫ്റ്റ്, ഏറ്റവും കൂടുതൽ നിലകളുള്ള കെട്ടിടം തുടങ്ങി പുതുവത്സര ആഘോഷങ്ങൾക്ക് ഏറ്റവും കൂടുതൽ ആളുകൾ എത്തുന്നതും ഇവിടുത്തെ കരി മരുന്ന് പ്രയോഗം കാണുവാനാണ്. 2004 ൽ ബുർജ് ദുബായ് എന്ന പേരിൽ നിർമാണം ആരംഭിച്ച കെട്ടിടത്തിന് പിന്നീട് ഉദ്ഘാടന ദിവസമാണ് യുഎഇ പ്രസിഡന്റ് ഷെയ്ഖ് ഖലീഫ ബിൻ സയ്ദ് അൽ നഹ്യാനോടുള്ള ആദര സൂചകമായി ബുർജ് ഖലീഫ എന്ന പേര് നൽകിയത്. ദിവസവും ആയിരക്കണക്കിന് സന്ദർശകരാണ് ബുർജ് ഖലീഫ കാണുവാനായി ദുബായിൽ എത്തുന്നത്.



‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top
More