തിരിച്ചടിച്ച് ഇറാൻ; അമേരിക്കൻ വ്യോമതാവളങ്ങൾക്ക് നേരെ ഇറാന്റെ മിസൈലാക്രമണം

അമേരിക്കൻ വ്യോമതാവളങ്ങൾക്ക് നേരെ ഇറാന്റെ മിസൈലാക്രമണം. ഇതിന്റെ ദൃശ്യങ്ങൾ പുറത്തുവന്നിട്ടുണ്ട്.

ഇറാഖിലുള്ള യുഎസ് താവളങ്ങൾക്ക് നേരെയായിരുന്നു ഇറാന്റെ ആക്രമണം. ഇർബിലിലെയും അൽ അസാദിലെയും രണ്ട് യുഎസ് താവളങ്ങൾക്ക് നേരെ ആക്രമണമുണ്ടായതായി പെന്റഗൺ സ്ഥിരീകരിച്ചിട്ടുണ്ട്. ഇറാൻ സൈനിക മേധാവി ഖാസിം സുലൈമാനിയുടെ വധത്തിന് പ്രതികാരമായാണ് ആക്രമണമെന്ന് ഇറാൻ സ്റ്റേറ്റ് ടിവി റിപ്പോർട്ട് ചെയ്തു.

ഏതാണ്ട് 12ഓളം മിസൈലുകൾ ആണ് സൈനികതാവളങ്ങൾ ലക്ഷ്യമാക്കി ഇറാൻ വിക്ഷേപിച്ചതെന്ന് ആഗോളമാധ്യമങ്ങൾ റിപ്പോർട്ട് ചെയ്തു.

അതേസമയം, അക്രമണത്തിന് പിന്നാലെ ആഗോള വിപണിയിൽ ക്രൂഡ് ഓയിൽ വില കുതിച്ചു. ഓയിൽ വിലയിൽ 3.5 ശതമാനത്തിന്റെ വർധനയാണ് ഉണ്ടായിരിക്കുന്നത്.

Story Highlights- Iran, US