Advertisement

മാങ്ങ പറിക്കാൻ മതിൽ ചാടിക്കടക്കുന്ന ആന; ചിത്രങ്ങൾ കാണാം

January 14, 2020
1 minute Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

കരയിലെ ഏറ്റവും വലിയ ജീവിയാണ് ആന. സാധാരണ ഗതിയിൽ മുന്നിലുള്ള ഏത് പ്രതിബന്ധത്തെയും നിഷ്പ്രയാസം മറികടക്കാൻ ആനകൾക്ക് കഴിയും. എന്നാൽ, മാങ്ങ കഴിക്കാനുള്ള കൊതി മൂത്ത് അഞ്ചടി ഉയരമുള്ള മതിൽ ചാടിക്കടക്കുന്ന ഒരു ആനയുടെ ദൃശ്യങ്ങൾ ഇപ്പോൾ വൈറലാവുകയാണ്.

സാംബിയയിലെ ഒരു സഫാരി ലോഡ്ജിലാണ് സംഭവം. സൗത്ത് ലുവാന്വ നാഷണൽ പാർക്കിൻ്റെ മതിൽ ശ്രദ്ധാപൂർവം ചാടിക്കടന്ന് മാങ്ങ പറിക്കാനുള്ള ശ്രമത്തിലായിരുന്നു കക്ഷി. മനുഷ്യരെപ്പോലെ കാലുകൾ കവച്ചു വെച്ച് മതിൽ കടന്നെത്തിയ ആനയെക്കണ്ട് ലോഡ്ജിലെ താമസക്കാർ അമ്പരന്നു. മാങ്ങ പറിക്കാനാണ് കക്ഷി എത്തിയതെങ്കിലും നിരാശനായി മടങ്ങേണ്ടി വന്നു.

കുറച്ചു നാളുകൾക്ക് മുൻപ് ചക്കപ്പഴത്തിൻ്റെ മണം പിടിച്ചെത്തി ആയാസപ്പെട്ട് ചക്ക പറിക്കുന്ന ആനയുടെ വീഡിയോ സമൂഹമാധ്യമങ്ങളിൽ പ്രചരിച്ചിരുന്നു. പ്ലാവിൻ്റെ മുകളിലായി കിടക്കുന്ന ചക്ക, മരത്തിൽ മുൻ കാലുകൾ ഉയർത്തി വെച്ച് അടർത്തി താഴേക്കിടുകയാണ് ആന. നിലത്തു വീഴുന്ന ചക്ക ചവിട്ടിപ്പൊളിച്ച് ഭക്ഷിക്കുന്നതും വീഡിയോയിലുണ്ടായിരുന്നു. ഫോറസ്റ്റ് സര്‍വീസ് ഉദ്യോഗസ്ഥനായ പ്രവീണ്‍ കസ്‌വാൻ തൻ്റെ ട്വിറ്റർ ഹാൻഡിലിലൂടെയാണ് ഈ വീഡിയോ പങ്കുവെച്ചിരുന്നത്.

Story Highlights: Elephant

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement