വിവി രാജേഷ് ബിജെപി തിരുവനന്തപുരം ജില്ലാ പ്രസിഡന്റായി ചുമതലയേറ്റു

ബിജെപി തിരുവനന്തപുരം ജില്ലാ പ്രസിഡന്റായി വിവി രാജേഷ് ചുമതലയേറ്റു. പാർട്ടി ജില്ലാ കമ്മറ്റി ഓഫീസിൽ നടന്ന ചടങ്ങിൽ മുതിർന്ന നേതാക്കളായ ഒ രാജഗോപാൽ, കുമ്മനം രാജശേഖരൻ എന്നിവരുടെ അനുഗ്രഹം വാങ്ങിയാണ് രാജേഷ് അധ്യക്ഷ സ്ഥാനം ഏറ്റെടുത്തത്.

നിരവധി നേതാക്കളും പ്രവർത്തകരും പങ്കെടുത്ത ചടങ്ങ് ഒ രാജഗോപാൽ എംഎൽഎ ഉദ്ഘാടനം ചെയ്തു. പൗരത്വ നിയമ ഭേദഗതി ജനങ്ങളുടെ മുന്നിലിട്ട് ഇല്ലാത്ത കറുത്ത പൂച്ചയെ ഇരുട്ടിൽ തപ്പുകയാണ് പിണറായി വിജയനും രമേശ് ചെന്നിത്തലയുമെന്ന് യോഗത്തിൽ സംസാരിച്ച
കുമ്മനം രാജശേഖരൻ പറഞ്ഞു.

Read Also: ‘പഴംപൊരിയും പൊറോട്ടയും ഇല്ലാതെ ട്രെയിൻ ഓടാൻ സമ്മതിക്കില്ല’; കേരള വിഭവങ്ങളുൾപ്പെടുത്തിയ റെയിൽവേ മെനുവുമായി ഹൈബി ഈഡൻ

കഴിഞ്ഞ ദിവസമാണ് ബിജെപി സംസ്ഥാനത്തെ പത്ത് ജില്ലകളിൽ ജില്ലാ പ്രസിഡന്റുമാരെ തെരഞ്ഞെടുത്തത്. തിരുവനന്തപുരത്ത് വിവി രാജേഷും കോഴിക്കോട് വി കെ സജീവനുമാണ് ജില്ലാ പ്രസിഡന്റുമാരായി തെരഞ്ഞെടുക്കപ്പെട്ടത്. പാലക്കാട് ഇ കൃഷ്ണദാസ്, പത്തനംതിട്ടയിൽ അശോകൻ കുളനട എന്നിവർ ജില്ലാ പ്രസിഡന്റുമാരായി തുടരും.

bjp