വർഗീയ പരാമർശം; ബിജെപി സ്ഥാനാർത്ഥി കപിൽ മിശ്രയ്‌ക്കെതിരെ പൊലീസ് കേസ്

വർഗീയ പരാമർശം നടത്തിയതിന്റെ പേരിൽ ഡൽഹി നിയമസഭാ തെരെഞ്ഞെടുപ്പിലെ ബിജെപി സ്ഥാനാർത്ഥി കപിൽ മിശ്രയ്‌കെതിരെ പൊലീസ് എഫ്‌ഐആർ രജിസ്റ്റർ ചെയ്തു. തെരെഞ്ഞെടുപ്പ് കമ്മീഷന്റെ നിർദേശത്തെ തുടർന്നാണ് നടപടി.

മോഡൽ ടൗൺ നിയോജക മണ്ഡലം സ്ഥാനാർത്ഥിയാണ് കപിൽ മിശ്ര. പൗരത്വ നിയമ ഭേദഗതിക്കെതിരെ ശക്തമായി പ്രതിഷേധങ്ങൾ നടക്കുന്ന ഷഹീൻബാഗ് പാകിസ്താനിലേക്കുള്ള പ്രവേശന കവാടമാണെന്ന് കഴിഞ്ഞ ദിവസം മിശ്ര ട്വിറ്ററിൽ കുറിച്ചിരുന്നു. കൂടാതെ ഡൽഹി തെരഞ്ഞെടുപ്പിനെ ഇന്ത്യാ- പാകിസ്താൻ പോരാട്ടത്തോട് താരതമ്യം ചെയ്ത ട്വീറ്റും വിവാദമായതിനെ തുടർന്നാണ് നടപടി.