പൗരത്വ പ്രതിഷേധക്കാരുടെ ചിത്രങ്ങളടങ്ങിയ പോസ്റ്ററുകള്‍ നീക്കണമെന്ന ഉത്തരവിനെതിരെ സുപ്രിംകോടതിയില്‍ ഹര്‍ജി

പൗരത്വ പ്രതിഷേധക്കാരുടെ ചിത്രങ്ങളും വിവരങ്ങളുമടങ്ങിയ പോസ്റ്ററുകള്‍ അടിയന്തരമായി നീക്കം ചെയ്യണമെന്ന അലഹബാദ് ഹൈക്കോടതി ഉത്തരവിനെതിരെ ഉത്തര്‍പ്രദേശ് സര്‍ക്കാര്‍ സുപ്രിംകോടതിയില്‍ ഹര്‍ജി സമര്‍പ്പിച്ചു.

ഹൈക്കോടതിയുടെ പരാമര്‍ശങ്ങള്‍ നീക്കണമെന്നും യുപി സര്‍ക്കാര്‍ ആവശ്യപ്പെട്ടു. സുപ്രിംകോടതി അവധിക്കാല ബെഞ്ച് ഹര്‍ജി നാളെ പരിഗണിക്കും. പൗരത്വ പ്രതിഷേധവുമായി ബന്ധപ്പെട്ട കേസുകളില്‍ പ്രതികളായവരുടെ വിവരങ്ങളാണ് ലക്‌നൗവില്‍ അടക്കം പൊതുയിടങ്ങളില്‍ പ്രദര്‍ശിപ്പിച്ചത്. യുപി സര്‍ക്കാരിന്റെ നടപടി അന്യായമാണെന്നായിരുന്നു ഹൈക്കോടതി വിമര്‍ശനം.

Story Highlights- up government,  Allahabad hc order, immediate removal,  posters,  citizen protesters