പത്തനംതിട്ടയിൽ കൊറോണ നിരീക്ഷണത്തിലുള്ള കുട്ടിയുടെ അച്ഛൻ മരിച്ചു; മരണകാരണം കൊറോണയല്ലെന്ന് സ്ഥിരീകരണം

പത്തനംതിട്ടയിൽ കൊറോണ നിരീക്ഷണത്തിലുള്ള കുട്ടിയുടെ അച്ഛൻ മരിച്ചു. ചൈനയിൽ നിന്നെത്തിയ വിദ്യാർത്ഥിനിയുടെ അച്ഛനാണ് മരിച്ചത്. കുട്ടിയുടെ അച്ഛന്റെ മരണകാരണം കൊറോണയല്ലെന്ന് അധികൃതർ സ്ഥിരീകരിച്ചു.

എറണാകുളത്ത് വച്ചാണ് അച്ഛൻ മരിക്കുന്നത്. കുട്ടിയും അച്ഛനും തമ്മിൽ നേരിൽ കണ്ടിരുന്നില്ല. അച്ഛൻ ആശുപത്രിയിൽ ഗുരുതരാവസ്ഥയിലായതിനെ തുടർന്നാണ് കുട്ടി നാട്ടിലെത്തിയത്.
നാട്ടിൽ എത്തിയ ദിവസം മുതൽ കുട്ടി വീട്ടിൽ തന്നെ കഴിയുകയായിരുന്നു. പിതാവ് ഏറെ നാളുകളായി ക്യാൻസർ രോഗത്തിന് ചികിത്സയിലായിരുന്നു.  പിതാവിന്റെ സംസ്‌കാരം നാല് ദിവസം കൂടി നീട്ടിവെക്കാൻ ജില്ലാ ഭരണകൂടം ആവശ്യപ്പെടും.

അതേസമയം, സംസ്ഥാനത്ത് കൊറോണ സ്ഥിരീകരിച്ചവരുടെ എണ്ണം 21 ആയി.

Story Highlights- coronavirus,