ദിഗ് വിജയ് സിംഗ് കരുതൽ തടങ്കലിൽ

മുതിർന്ന കോൺഗ്രസ് നേതാവ് ദിഗ് വിജയ് സിംഗ് കരുതൽ തടങ്കലിൽ. മധ്യപ്രദേശിലെ വിമത എംഎൽഎമാരെ കാണാനെത്തിയപ്പോഴാണ് ദിഗ് വിജയ് സിംഗിനെ കർണാടക പൊലീസ് കസ്റ്റഡിയിൽ എടുത്തത്.

#WATCH Karnataka: Congress leader Digvijaya Singh has now been placed under preventive arrest. He was sitting on dharna near Ramada hotel in Bengaluru, allegedly after he was not allowed by Police to visit it. 21 #MadhyaPradesh Congress MLAs are lodged at the hotel. pic.twitter.com/dP3me4qjw0

— ANI (@ANI) March 18, 2020

ഇന്ന് പുലർച്ചെയാണ് വിമത എംഎൽഎമാരെ കാണാൻ അവർ താമസിക്കുന്ന ഹോട്ടലിൽ ദിഗ് വിജയ് സിംഗ് എത്തിയത്. എംഎൽഎമാരെ കാണാൻ അനുമതി പൊലീസ് നിഷേധിച്ചു. എന്നാൽ എംഎൽഎമാരെ കാണാതെ മടങ്ങില്ലെന്ന് അദ്ദേഹം അറിയിക്കുകയായിരുന്നു. തുടർന്ന് ഹോട്ടലിന്റെ മുന്നിൽ അദ്ദേഹം ധർണ നടത്തി. ഇതേ തുടർന്നാണ് ദിഗ് വിജയ് സിംഗിനെ പൊലീസ് കസ്റ്റഡിയിൽ എടുത്തത്.

പൊലീസ് നടപടിയിൽ ദിഗ് വിജയ് സിംഗ് കടുത്ത പ്രതിഷേധം അറിയിച്ചു. കോൺഗ്രസ് എംഎൽഎമാരെ ബിജെപി തടവിൽ വച്ചിരിക്കുകയാണെന്ന് ദിഗ് വിജയ് സിംഗ് ആരോപിച്ചു.