കൊവിഡ് 19 പ്രതിരോധം; ഞായറാഴ്ച ‘ജനതാ കര്‍ഫ്യൂ’ പ്രഖ്യാപിച്ച് പ്രധാനമന്ത്രി

കൊവിഡ് 19 പ്രതിരോധത്തിന്റെ ഭാഗമായി ഞായറാഴ്ച (മാര്‍ച്ച് 22) രാവിലെ ഏഴ് മുതല്‍ രാത്രി ഒന്‍പത് വരെ ജനകീയ കര്‍ഫ്യൂവിന് ആഹ്വാനം ചെയ്ത് പ്രധാനമന്ത്രി. കര്‍ഫ്യൂവിന് സംസ്ഥാന സര്‍ക്കാര്‍ മേല്‍നോട്ടം വഹിക്കണമെന്നും പ്രധനമന്ത്രി പറഞ്ഞു. കൊവിഡ് 19 നെ പ്രതിരോധിക്കാന്‍ ദൗത്യസംഘത്തെ രൂപവത്കരിക്കുമെന്നും അദ്ദേഹം കൂട്ടിച്ചേര്‍ത്തു.

ലോക മഹായുദ്ധത്തേക്കാള്‍ വലിയ പ്രതിസന്ധിയിലൂടെയാണ് ലോകം കടന്നു പോകുന്നതെന്നും രാജ്യം ഈ അവസ്ഥയെ കരുതലോടെ നേരിടണമെന്നും പ്രധാനമന്ത്രി പറഞ്ഞു. ഈ അവസരത്തില്‍ ജനങ്ങള്‍ പ്രതിജ്ഞാബന്ധരായിരിക്കണം. ഐസോലേഷനിലുള്ളവര്‍ ക്ഷമയോടെ അത് പാലിക്കണമെന്നും പ്രധാനമന്ത്രി പറഞ്ഞു. വിവിധ വിഭാഗങ്ങളിലുള്ളവര്‍ വീട്ടിലിരുന്നു ജോലി ചെയ്യാന്‍ പരമാവധി ശ്രമിക്കണം ഈ അവസരത്തില്‍ വേതനം കുറയ്ക്കുന്ന നടപടികള്‍ ഉണ്ടാവരുതെന്നും അദ്ദേഹം പറഞ്ഞു.

വൈറസിനെ നേരിടാന്‍ മാര്‍ഗങ്ങള്‍ ഇതുവരെ കണ്ടുപിടിച്ചിട്ടില്ലെന്നും കര്‍ഫ്യൂന് മുന്‍പുള്ള രണ്ട് ദിവസം ആളുകളെ ഇതിനായി ബോധവാന്മാരാക്കണമെന്നും പ്രധാനമന്ത്രി കൂട്ടിച്ചേര്‍ത്തു.

Story Highlights: coronavirus, Covid 19,

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top