മധ്യപ്രദേശിൽ കൊറോണ ബോധവത്കരണത്തിന് എത്തിയ ആരോ​ഗ്യ പ്രവർത്തകരെ ജനക്കൂട്ടം കൈയേറ്റം ചെയ്തു; വീഡിയോ

മധ്യപ്രദേശിൽ കൊറോണ ബോധവത്കരണത്തിനെത്തിയ ഡോക്ടർമാർ ഉൾപ്പെടെയുള്ള ആരോ​ഗ്യപ്രവർത്തകരെ ജനക്കൂട്ടം കൈയേറ്റം ചെയ്തു. ഇൻഡോറിലാണ് സംഭവം. നൂറോളം വരുന്ന പ്രദേശവാസികളാണ് ആരോ​ഗ്യപ്രവർത്തകർക്ക് നേരെ തിരിഞ്ഞത്. ഇതിന്റെ വീഡിയോ പുറത്തുവന്നു.

ഇൻഡോറിലെ തന്നെ റാണിപുര മേഖലയിൽ കഴിഞ്ഞ ദിവസം ആരോ​ഗ്യപ്രവർത്തകർക്ക് നേരെ ജനക്കൂട്ടം ആക്രമണം നടത്തിയിരുന്നു. ഇതിന് പിന്നാലെയാണ് ബുധനാഴ്ചയും ആക്രമണം നടന്നത്. കൊറോണ ബോധവത്കരണത്തിനെത്തിയ വനിതാ ഡോക്ടർമാർ ഉൾപ്പെടെയുള്ളവരെ ഒരു സംഘം ആക്രമിക്കുകയായിരുന്നു. ജീവൻ രക്ഷാർത്ഥം ഒാടിയ ആരോ​ഗ്യപ്രവർത്തകരെ ആൾക്കൂട്ടം പിന്തുടർന്നെത്തി ആക്രമിച്ചു. കല്ലെറിയുകയും വടി ഉപയോ​ഗിച്ച് തല്ലുകയും ചെയ്തു. പൊലീസ് എത്തിയാണ് ആരോ​ഗ്യപ്രവർത്തകരെ രക്ഷിച്ചത്. പരുക്കേറ്റവരെ ആശുപത്രിയിൽ പ്രവേശിപ്പിച്ചു.

#CoronaUpdate Locals pelt Stones on health department officials in Taat patti Indore, engaged in screening of #COVID19Pandemic @ndtv @digvijaya_28 @BeingSalmanKhan @ChouhanShivraj @OfficeOfKNath #CoronaVirusUpdates #COVID19 #lockdown pic.twitter.com/SbJA5Iiwjk

— Anurag Dwary (@Anurag_Dwary) April 1, 2020