ഏപ്രില്‍ 30 വരെയുള്ള വിമാന ടിക്കറ്റ് ബുക്കിംഗ് എയര്‍ഇന്ത്യ നിര്‍ത്തിവച്ചു

ഏപ്രില്‍ 30 വരെയുള്ള വിമാന ടിക്കറ്റ് ബുക്കിംഗ് എയര്‍ഇന്ത്യ നിര്‍ത്തിവച്ചു. ലോക്ക്ഡൗണ്‍ അവസാനിക്കുന്ന ഏപ്രില്‍ 14 ന് ശേഷമുള്ള സര്‍ക്കാരിന്റെ പുതിയ തീരുമാനത്തിനായി കാത്തിരിക്കുകയാണെന്നും എയര്‍ഇന്ത്യ അധികൃതര്‍ വ്യക്തമാക്കി. എയര്‍ഇന്ത്യ അധികൃതരെ ഉദ്ധരിച്ച് എന്‍ഡിടിവിയാണ് വാര്‍ത്ത റിപ്പോര്‍ട്ട് ചെയ്തത്.

രാജ്യത്ത് കൊവിഡ് വ്യാപനം തടയാനായി പ്രഖ്യാപിച്ച ലോക്ക് ഡൗണ്‍ കാരണം ഏപ്രില്‍ 14 വരെ ആഭ്യന്തര-അന്താരാഷ്ട്ര വിമാന സര്‍വീസുകളുടെ ബുക്കിംഗ് നിര്‍ത്തിവച്ചിരുന്നു. ഏപ്രില്‍ 14-ന് ശേഷം ഏത് തിയതിയിലേക്കും വിമാന ടിക്കറ്റ് ബുക്ക് ചെയ്യാമെന്ന് സിവില്‍ ഏവിയേഷന്‍ സെക്രട്ടറി പ്രദീപ് സിങ് ഖരോള നേരത്തെ വ്യക്തമാക്കിരുന്നു.

Story Highlights- Air India cancels airline ticket booking till April 30, lockdown