കോട്ടയം ജില്ലയിൽ ലോക്ക് ഡൗൺ ഇളവ്; 21 മുതൽ എല്ലാ സർക്കാർ ഓഫീസുകളും പ്രവർത്തിക്കും

കോട്ടയം ജില്ലയിൽ ലോക്ക് ഡൗൺ നിയന്ത്രണം ഇളവ് ചെയ്യുന്നതിന്റെ ഭാഗമായി 21 മുതൽ എല്ലാ സർക്കാർ ഓഫീസുകളും പ്രവർത്തിക്കും. റെഡ് സോണിൽ നിന്നുള്ള ജീവനക്കാർ ജില്ലയിൽ തിരികെയെത്തി നിരീക്ഷണത്തിലാകാൻ നിർദേശം. ജില്ലാ അതിർത്തികളിൽ പരിശോധന കർശനമാക്കാനും മന്ത്രി പി തിലോത്തമൻ അധ്യക്ഷതയിൽ നടന്ന യോഗത്തിൽ തീരുമാനമായി.

പൂർണ രോഗ വിമുക്തി നേടി മൂന്നാഴ്ച പിന്നിട്ടതോടെയാണ് കോട്ടയം ജില്ലയ്ക്ക് നിയന്ത്രണ ഇളവുകൾ നടപ്പാക്കുന്നത്. ഓട്ടോയും ടാക്‌സികളും ഡ്രൈവറെ കൂടാതെ രണ്ട് യാത്രക്കാരെ മാത്രം കയറ്റി സർവീസ് നടത്താൻ അനുവദിക്കും.

എന്നാൽ, സഞ്ചാരം ജില്ലയിൽ പരിമിതപ്പെടുത്തണം. രാവിലെ ഏഴ് മുതൽ വൈകിട്ട് 7 വരെ ഹോട്ടലുകൾ പ്രവർത്തിക്കും. തുണിക്കടകൾക്ക് 9 മണി മുതൽ 6 വരെയും, ജ്വല്ലറികൾക്ക് 9 മുതൽ 5 വരെയുമാണ് പ്രവർത്തനാനുമതി. സർക്കാർ ഓഫീസുകൾ 21 മുതൽ പൂർണതോതിൽ പ്രവർത്തിക്കും. റെഡ് സോണിൽ നിന്നുള്ള ജീവനക്കാർ ഉടൻ ജില്ലയിൽ തിരികെയെത്തി നിരീക്ഷണത്തിലാകണം

പൊതുഗതാഗത സംവിധാനങ്ങളുടെ പ്രവർത്തനം ഉദ്യോഗസ്ഥരുമായി ചർച്ച ചെയ്തു തീരുമാനിക്കും. പൊതുപരിപാടികളിൽ നിയന്ത്രണങ്ങൾ തുടരും. ആരാധനാലയങ്ങളുടെ കാര്യത്തിൽ നിലവിലെ സ്ഥിതി തുടരും. മരണ – വിവാഹ ചടങ്ങുകളിൽ 20 പേർക്ക് മാത്രമാണ് അനുമതി. ജില്ലാ അതിർത്തികളിൽ പൊലീസ് പരിശോധന കർശനമാക്കാനും മന്ത്രി പി തിലോത്തമന്റെ നേതൃത്വത്തിൽ ചേർന്ന യോഗത്തിൽ തീരുമാനമായി.

Story hoghlight; Lockdown relaxation in Kottayam district; All government offices will function from the 21st

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top