ഇതര സംസ്ഥാനങ്ങളില്‍ കുടുങ്ങിയ മലയാളികള്‍ കേരളത്തിലേക്ക് എത്തിത്തുടങ്ങി

lockdown kerala borders

ഇതര സംസ്ഥാനങ്ങളില്‍ കുടുങ്ങിയ മലയാളികള്‍ കേരളത്തിലേക്ക് എത്തിത്തുടങ്ങി. കളയിക്കാവിളയിലെ ഇഞ്ചിവിള ചെക്ക്‌പോസ്റ്റിലാണ് ആദ്യ സംഘം എത്തിയത്. നാഗര്‍കോവില്‍ നിന്നാണ് മലയാളി എത്തിയത്. പരിശോധനയില്‍ രോഗലക്ഷണമില്ലെന്ന് വ്യക്തമായാല്‍ ഇവരെ വീടുകളിലേക്ക് വിട്ടയക്കും. വീടുകളില്‍ ഇവര്‍ 14 ദിവസം നിരീക്ഷണത്തില്‍ തുടരണം.

ഇതര സംസ്ഥാനങ്ങളില്‍ ലോക്ക്ഡൗണില്‍ കുടുങ്ങിപ്പോയ മലയാളികളെ തിരിച്ചെത്തിക്കാന്‍ നോര്‍ക്കയില്‍ അപേക്ഷ സ്വീകരിച്ചു തുടങ്ങിയിരുന്നു. ഇന്നലെ വൈകുന്നേരം മുതല്‍ ഡിജിറ്റില്‍ പാസുകള്‍ അനുവദിച്ചു തുടങ്ങിയിട്ടുണ്ട്.

നാഗര്‍കോവിലില്‍ കുടുങ്ങിയ തൃശൂര്‍ സ്വദേശികളായ രണ്ടുപേരാണ് നിലവില്‍ കളയിക്കാവിളയില്‍ എത്തിയിരിക്കുന്നത്. ആറ് പ്രവേശന കവാടത്തിലൂടെയാണ് ഇതര സംസ്ഥാനങ്ങളില്‍ കുടുങ്ങിയ മലയാളികളെ പ്രവേശിപ്പിക്കുക. തിരുവനന്തപുരത്ത് കളയിക്കാവിളയിലെ ഇഞ്ചിവിള, കൊല്ലം – ആര്യങ്കാവ്, ഇടുക്കി – കുമളി, പാലക്കാട് – വാളയാര്‍, വയനാട് – മുത്തങ്ങ, കാസര്‍ഗോഡ് – മഞ്ചേശ്വരം തുടങ്ങി ആറ് പ്രധാന അതിര്‍ത്തികളിലൂടെയാണ് ഇതര സംസ്ഥാനങ്ങളില്‍ കുടുങ്ങിയ മലയാളികളെ എത്തിക്കുക.

Story Highlights: coronavirus, Lockdown,

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top