ജെസീക്കാ ലാൽ വധക്കേസ്: പ്രതി മനു ശർമയെ ജയിൽമോചിതനാക്കി

ജെസീക്കാ ലാല്‍ വധക്കേസിലെ പ്രതി മനു ശര്‍മയെ ജയില്‍ മോചിതനാക്കി. ഡല്‍ഹി ലഫ്റ്റനന്‍റ് ഗവര്‍ണര്‍ അനില്‍ ബൈജാന്‍റെ ഉത്തരവിന്‍റെ അടിസ്ഥാനത്തിലാണ് നടപടി.

read also: വിരമിക്കുന്നതിന് തൊട്ടുമുൻപ് ടോം ജോസും ഡിജിപിയും നടത്തിയ ഹെലികോപ്റ്റർ യാത്രയിൽ ദുരൂഹത: രമേശ് ചെന്നിത്തല

1999 ഏപ്രിൽ 29നാണ് മോഡലായ ജെസീക്കാ ലാലിനെ കോൺ​ഗ്രസിന്റെ മുൻ രാജ്യസഭാ എംപി വിനോദ് ശർമയുടെ മകൻ മനു ശർമ്മ വെടിവച്ചു കൊന്നത്. കീഴ്ക്കോടതിയിൽ നടന്ന വിചാരണയുടെ ഫലമായി 2006 ഫെബ്രുവരി 21ന് മനു ശർമയും കൂട്ടു പ്രതികളും കുറ്റവിമുക്തരാക്കപ്പെട്ടു. ഇതിനെതിരെ മാധ്യമങ്ങളും പൊതുജനങ്ങളും പ്രതിഷേധങ്ങൾ ഉയർത്തിയതിനെ തുടർന്ന് പ്രോസിക്യൂഷൻ ഹൈക്കോടതിയിൽ അപ്പീൽ കൊടുത്തു. തുടർന്ന് ഹൈക്കോടതിയിൽ നടന്ന അതിവേഗ വിചാരണയിൽ കീഴ്ക്കോടതി വിധി തെറ്റാണെന്നും മനു ശർമയും കൂട്ടുപ്രതികളും കുറ്റക്കാരാണെന്നും തെളിഞ്ഞു. മനു ശർമ്മയ്ക്ക് കോടതി ജീവപര്യന്തം ശിക്ഷ വിധിച്ചു. പതിനാല് വര്‍ഷം തടവില്‍ കഴിഞ്ഞ മനുശര്‍മയെ മോചിപ്പിക്കുന്നതില്‍ ജസീക്കയുടെ സഹോദരി എതിര്‍പ്പറിയിച്ചില്ലെന്നാണ് വിവരം.

story highlights- jessica lal murder case, manu sharma

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top