ഓണ്‍ലൈന്‍ ലേണേഴ്സ് ടെസ്റ്റ് അപേക്ഷകര്‍ക്കുള്ള മാര്‍ഗനിര്‍ദ്ദേശങ്ങള്‍
July 8, 2020
12 minutes Read
കൊവിഡ് പശ്ചാത്തലത്തില്‍ ലേണേഴ്സ് ടെസ്റ്റ് ഓണ്‍ലൈന്‍ വഴിയായാണ് നടത്തുന്നത്. ഇതിനായുള്ള ഒരുക്കങ്ങള്‍ മോട്ടോര്‍ വാഹന വകുപ്പ് പൂര്‍ത്തിയാക്കി. ഓണ്‍ലൈന്‍ ലേണേഴ്സ് ടെസ്റ്റ് അപേക്ഷകര്‍ക്കുള്ള മാര്‍ഗനിര്‍ദേശങ്ങള്‍ ഇങ്ങനെ.
- ഓണ്‍ലൈനായി മാത്രം അപേക്ഷകള്‍ സമര്‍പ്പിക്കുക. ആവശ്യമായ രേഖകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍ സ്‌കാന്‍ ചെയ്ത് അപ്‌ലോഡ് ചെയ്ത് ടെസ്റ്റ് ഡേറ്റ് തെരഞ്ഞെടുക്കുക
- അപേക്ഷയില്‍ പിഴവുകള്‍ ഇല്ലെങ്കില്‍ തെരഞ്ഞെടുത്ത തീയതിയില്‍ വൈകിട്ട് ആറു മണിയോടെ പാസ്‌വേര്‍ഡ് എസ്എംഎസ് ആയി ലഭിക്കും.
- അപേക്ഷയില്‍ പിഴവുകള്‍ ഉള്ളവര്‍ക്ക്, ടെസ്റ്റ്ദിവസം നാല് മണിക്ക് മുന്‍പായി അപേക്ഷ നിരസിച്ചതിന്റെ എസ്എംഎസ് ലഭിക്കും.
- പിഴവുകള്‍ ആറ് മണിക്ക് മുന്‍പായി തന്നെ തീര്‍ക്കാന്‍ അവസരം ലഭിക്കുന്നതാണ്. ഇല്ലെങ്കില്‍ മറ്റൊരു ദിവസം തെരഞ്ഞെടുക്കാം.
- ആറുമണിയ്ക്ക് പാസ്‌വേര്‍ഡ് ലഭിച്ചവര്‍ക്ക് ഏഴ് മണിയോടെ ഓണ്‍ലൈനായി ടെസ്റ്റില്‍ പങ്കെടുക്കാവുന്നതാണ്. അന്നേ ദിവസം 12 മണി വരെ മാത്രമേ ഈ പാസ്‌വേര്‍ഡിന് കാലാവധി ഉണ്ടായിരിക്കുകയുള്ളു.
പ്രത്യേക ശ്രദ്ധയ്ക്ക്
- ടെസ്റ്റിന് മുന്‍പായി നിങ്ങളുടെ മൊബൈല്‍ ഡാറ്റാ / ഇന്റനെറ്റ് സിഗ്‌നല്‍ സ്‌ട്രെങ്ത് ആവശ്യമായ റേഞ്ചിലാണെന്ന് ഉറപ്പുവരുത്തുക. ഇതിന് ശേഷം മാത്രം ടെസ്റ്റിലേയ്ക്ക് കടക്കുക.
- ടെസ്റ്റിനിടയ്ക്ക് ഫോണ്‍ കോളുകള്‍ അറ്റന്റ് ചെയ്യാതിരിക്കുക. നെറ്റ്‌വര്‍ക്ക് കട്ടായാല്‍ ടെസ്റ്റില്‍ നിന്നും പുറത്താക്കപ്പെടാവുന്നതാണ്.
പരീക്ഷയെഴുതാനുള്ള നിര്‍ദ്ദേശങ്ങള്‍:
- parivahan.gov.in വെബ്ബ് സൈറ്റില്‍ കയറുക
- On Line Service ല്‍ License related Services സെലക്ട് ചെയ്യുക
- അടുത്ത സ്‌ക്രീനില്‍ സ്റ്റേറ്റ് ‘ Kerala’ തെരഞ്ഞടുക്കുക
- തുറന്നു വരുന്ന സ്‌ക്രീനില്‍, ഇടതു വശത്ത് 12 ാമത്തെ മെനു LL Test (STALL)ല്‍ Online LL Test (STALL) ക്ലിക് ചെയ്യുക.
- തുടര്‍ന്നു വരുന്ന സ്‌ക്രീനില്‍ LL application number, Date of Birth (dd-mm-yyyy), മൊബൈലില്‍ ലഭിച്ച പാസ്‌വേര്‍ഡ് (sms ല്‍ വന്ന അതേ ഫോര്‍മാറ്റില്‍ Capital letter കള്‍ Capital ആയും small letter കള്‍ small letter കള്‍ ആയും) എന്നിവ ടൈപ്പ് ചെയ്ത് ലോഗിന്‍ ചെയ്യുക
- ഭാഷ തെരഞ്ഞെടുത്ത് സത്യവാങ്മൂലം അംഗീകരിച്ച് ടെസ്റ്റ് ആരംഭിക്കാവുന്നതാണ്.
- 50 ചോദ്യങ്ങള്‍ക്ക് 30 മിനിട്ട് സമയം കൊണ്ട് പൂര്‍ത്തീകരിക്കേണ്ടതാണ്.
- കുറഞ്ഞത് 30 ചോദ്യങ്ങള്‍ക്ക് ശരിയുത്തരം നല്‍കിയാല്‍ മാത്രമേ പരീക്ഷ പാസ്സാവുകയുള്ളു.
- പാസായവര്‍ക്ക് ലേണേഴ്സ് ലൈസന്‍സ് പ്രിന്റ് എടുത്ത് സൂക്ഷിക്കാവുന്നതാണ്. Print License details >> Print Learners license എന്ന മെനുവില്‍ ക്ലിക്ക് ചെയ്തും LL പ്രിന്റ് എടുക്കാവുന്നതാണ്.
- ടെസ്റ്റില്‍ പരാജിതരാകുന്നവര്‍ retest നുള്ള Rs 50/ ഫീസ് online ആയി അടയ്ക്കുക. (ഇതിനായി parivahan.gov.in >> Online Services >> License related service ല്‍ Kerala >> 4ാമത്തെ മെനു Fee/Payments ല്‍ EPAYMENT >> RETEST FEE തെരഞ്ഞെടുത്ത് അപേക്ഷാ നമ്പറും ജനനത്തീയതിയും ടൈപ്പ് ചെയ്ത് ഫീസ് അടയ്ക്കാവുന്നതാണ്. തുടര്‍ന്ന് പുതിയ പരീക്ഷാ തീയതി തെരഞ്ഞെടുക്കേണ്ടതുമാണ്. ഇതിനായി parivahan.gov.in >> Online Services >> License related service ല്‍ Kerala >> 3ാമത്തെ മെനു Appointments (slot booking) >> LL slot booking ല്‍ sarathiservice ക്ലിക്ക് ചെയ്ത് അപേക്ഷാ നമ്പര്‍, ജനനത്തീയതി വെരിഫിക്കേഷന്‍ കോഡ് എന്നിവ ടൈപ്പ് ചെയ്ത് slot ബുക്ക് ചെയ്യാം.
- എന്തെങ്കിലും കാരണവശാല്‍ പരീക്ഷയ്ക്ക് പങ്കെടുക്കാന്‍ കഴിയാത്തവര്‍ക്കും നെറ്റ് വര്‍ക്ക് പ്രശ്‌നം കാരണമോ മറ്റോ ടെസ്റ്റ് ഇടയ്ക്ക് വച്ച് മുടങ്ങിയവര്‍ക്കും വീണ്ടും മറ്റൊരു ദിവസം തെരഞ്ഞെടുത്ത് പരീക്ഷയില്‍ പങ്കെടുക്കാവുന്നതാണ്. (പുതിയ തീയതി നിര്‍ദ്ദേശം10 ല്‍ വിവരിച്ച വിധം എടുക്കാവുന്നതാണ്)
Story Highlights – Guidelines for Online Learners Test Applicants
ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English