കേരളത്തിലെ ആ പച്ച തിരമാലകൾക്ക് പിന്നിലെ രഹസ്യം ചുരുളഴിഞ്ഞു

കഴിഞ്ഞ ദിവസം സോഷ്യൽ മീഡിയയിൽ വൈറലായ ഒരു വീഡിയോ ഉണ്ട്. പച്ച തിരമാലകളുള്ള ബീച്ചിന്റേത്…ഈ വീഡിയോ കണ്ടവരെല്ലാം അതിയശിച്ചു…പലരും വീഡിയോ ഫോട്ടോഷോപ് ആണെന്ന് പറഞ്ഞ് തള്ളി…മറ്റു ചിലരാകട്ടെ വിസ്മയം കാരണം പലരുമായി പങ്കുവച്ചു…ഇതിന് പിന്നാലെ സോഷ്യൽ മീഡിയയിൽ തർക്കം മുറുകി…വീഡിയോ യഥാർത്ഥമാണോ ? ആണെങ്കിൽ ഈ പ്രതിഭാസത്തിന് പിന്നിലെ കാരണമെന്ത് ?

വീഡിയോ സത്യമാണ് …

യഥാർത്ഥത്തിൽ പച്ച നിറത്തിൽ തിരമാലകളടിച്ചിരുന്നു. വെള്ളത്തിൽ ജീവിക്കുന്ന സൂക്ഷമ ജീവികളാണ് ഈ പ്രതിഭാസത്തിന് കാരണം. സാധാരണ രീതിയിൽ ഈ സൂക്ഷമജീവികൾ ഒറ്റ സെല്ലുള്ള ബാക്ടീരിയ മുതൽ, പ്രോട്ടോസൊവ, ആൽഗേ എന്നിവയിലേതുമാകാം. എന്നാൽ പ്രതിഭാസത്തിന് പിന്നിലുള്ളത് ഒരുതരം ആൽഗേ ആണ്.

ഈ ആൽഗേയ്ക്ക യഥാർത്ഥത്തിൽ നിറമില്ല. എന്നാൽ തിരമാലയടിക്കുന്ന സമയത്ത് കൂടുതൽ ഓക്‌സിജൻ ലഭിക്കുമ്പോൾ ഈ ആൽഗേയ്ക്ക് പച്ച നിറം വരും.

ഈ ആൽഗേയ്ക്ക് ചെറിയ രീതിയിൽ വിഷാംശമുള്ളതാണെന്നാണ് പറയപ്പെടുന്നത്. ഈ വെള്ളത്തിൽ കുളിച്ചാൽ ചെറിയ ചൊറിച്ചിലോ, ശരീരത്ത് പാടുകളോ ഉണ്ടാകാം.

Read Also : കുമ്പളങ്ങി നൈറ്റ്സില്‍ കണ്ട ‘കവര്’ എന്ന പ്രതിഭാസം എന്താണ്?

വീഡിയോ കൊച്ചിയിലേതാണെന്നും, ആലപ്പുഴയിലേതാണെന്നും പ്രചരണമുണ്ട്. കേരളത്തിലെ കടൽ തീരം തന്നെയാണെങ്കിലും ഏത് പ്രദേശത്തുള്ളതാണെന്നതിൽ വ്യക്തതയില്ല.

നിറമുള്ള തടാകങ്ങൾ..

ലോകത്ത് നിറമുള്ള തടാകങ്ങളുണ്ട്. പച്ച, ചുവപ്പ് നിറങ്ങളിലുള്ള ഈ തടാകങ്ങൾക്ക് പിന്നിലും ഇത്തരം സൂക്ഷമ ജീവികളാണ്. ചുവപ്പ്, പച്ച എന്നീ നിറങ്ങളിലുള്ള തടാകങ്ങളിലുള്ളത് സ്ഥിരമായി ഈ നിറമുള്ള ആൽഗേകളാണ്.

Story Highlights – secret behind green waves