തിരുവനന്തപുരത്ത് ഒരു പൊലീസുകാരന് കൊവിഡ്; സിറ്റി സ്‌പെഷ്യൽ ബ്രാഞ്ച് ഓഫിസ് അടച്ചു

തിരുവനന്തപുരത്ത് ഒരു പൊലീസുകാരന് കൂടി കൊവിഡ് സ്ഥിരീകരിച്ചു. സിറ്റി സ്‌പെഷ്യൽ ബ്രാഞ്ച് ഓഫീസിലെ ഉദ്യോഗസ്ഥനാണ് കൊവിഡ് ബാധിച്ചത്. കാട്ടാക്കട സ്വദേശിയായ ഇദ്ദേഹം കഴിഞ്ഞ ദിവസം വരെ ഓഫീസിൽ എത്തിയിരുന്നു. അണുവിമുക്തമാക്കുന്നതിനായി സിറ്റി സ്‌പെഷ്യൽ ബ്രാഞ്ച് ഓഫിസ് അടച്ചു.

ഇയാളുമായി സമ്പർക്കം പുലർത്തിയ പത്തോളം ഉദ്യോഗസ്ഥരെ നിരീക്ഷണത്തിലാക്കിയിട്ടുണ്ട്.സിറ്റി സ്‌പെഷ്യൽ ബ്രാഞ്ച് ഓഫിസിലെ മുഴുവൻ ഉദ്യോഗസ്ഥർക്കും നാളെ ആന്റിജൻ പരിശോധന നടത്തും.

Story Highlights – thiruvananthapuram policeman confirmed covid