ഒരു ഐപിഎൽ മത്സരത്തിൽ ഏറ്റവുമധികം സിക്സറുകൾ; റെക്കോർഡിനൊപ്പം ചെന്നൈ-രാജസ്ഥാൻ പോരാട്ടം

csk rr sixes ipl

ഏറ്റവുമധികം സിക്സറുകൾ പിറന്ന ഐപിഎൽ മത്സരം എന്ന റെക്കോർഡിനൊപ്പമെത്തി രാജസ്ഥാൻ-ചെന്നൈ പോരാട്ടം. 2018ൽ റോയൽ ചലഞ്ചേഴ്സ് ബാംഗ്ലൂരും ചെന്നൈ സൂപ്പർ കിംഗ്സും തമ്മിൽ ബാംഗ്ലൂരിൽ നടന്ന മത്സരത്തിനൊപ്പമാണ് ഇന്നത്തെ പോരാട്ടം ഇടം നേടിയിരിക്കുന്നത്. ഇരു കളിയിലും 33 സിക്സറുകൾ വീതമാണ് പിറന്നത്.

Read Also : എത്തിപ്പിടിക്കാനാവാതെ ചെന്നൈ; രാജസ്ഥാന് വിജയത്തുടക്കം

2010നു ശേഷം ചെന്നൈ സൂപ്പർ കിംഗ്സിനെ ഇതാദ്യമായാണ് രാജസ്ഥാൻ റോയൽസ് തോല്പിക്കുന്നത്. ആദ്യം ബാറ്റ് ചെയ്ത രാജസ്ഥാൻ ആകെ 17 സിക്സറുകൾ അടിച്ചു. ചെന്നൈ ആവട്ടെ ആകെ അടിച്ചത് 16 സിക്സറുകൾ. 9 സിക്സറടിച്ച മലയാളി താരം സഞ്ജുവാണ് റെക്കോർഡിലേക്ക് ഏറ്റവും കനപ്പെട്ട സംഭാവന നൽകിയത്. 7 സിക്സറുകൾ നേടിയ ചെന്നൈ താരം ഫാഫ് ഡുപ്ലെസിസ് രണ്ടാമത് എത്തി.

2018ൽ റോയൽ ചലഞ്ചേഴ്സ് ബാംഗ്ലൂരിനെ ചെന്നൈ പരാജയപ്പെടുത്തുകയായിരുന്നു. ആദ്യം ബാറ്റ് ചെയ്ത ആർസിബി നിശ്ചിത 20 ഓവറിൽ 8 വിക്കറ്റ് നഷ്ടത്തിൽ 205 റൺസെടുത്തു. ടീം ആകെ 16 സിക്സറുകൾ നേടി. മറുപടി ബാറ്റിംഗിനിറങ്ങിയ ചെന്നൈ രണ്ട് പന്തുകളും 5 വിക്കറ്റുകളും ബാക്കി നിൽക്കെ ലക്ഷ്യം ഭേദിച്ചു. അന്ന് ചെന്നൈ ആകെ നേടിയത് 17 സിക്സറുകൾ.

Read Also : ഷാർജയിൽ സഞ്ജുവിന്റെ സിക്സർ മഴ; ചെന്നൈക്ക് 217 റൺസ് വിജയലക്ഷ്യം

16 റൺസിനാണ് ഇന്നത്തെ രാജസ്ഥാൻ്റെ ജയം. ആദ്യം ബാറ്റ് ചെയ്ത രാജസ്ഥാൻ 7 വിക്കറ്റ് നഷ്ടത്തിൽ 216 റൺസാണ് എടുത്തത്. മറുപടി ബാറ്റിംഗിൽ ചെന്നൈക്ക് 6 വിക്കറ്റ് നഷ്ടത്തിൽ 200 റൺസെടുക്കാനേ സാധിച്ചുള്ളൂ. 72 റൺസെടുത്ത ഫാഫ് ഡുപ്ലെസിസ് ആണ് ചെന്നൈയുടെ ടോപ്പ് സ്കോറർ.

Story Highlights most sixes in a single ipl match CSK vs RR match sets new record

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top