Advertisement

അനായാസം ആർസിബി; 8 വിക്കറ്റ് ജയം

October 21, 2020
2 minutes Read
rcb won kkr ipl
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

കൊൽക്കത്ത നൈറ്റ് റൈഡെഴ്സിനെതിരെ റോയൽ ചലഞ്ചേഴ്സ് ബാംഗ്ലൂരിന് അനായാസ ജയം. 8 വിക്കറ്റിന് കൊൽക്കത്തയെ തകർത്ത ബാംഗ്ലൂർ ഫൈനൽ ഫോറിലേക്കുള്ള പോരാട്ടം സജീവമാക്കി. 85 റൺസിൻ്റെ വിജയലക്ഷ്യവുമായി ഇറങ്ങിയ ബാംഗ്ലൂർ 13.3 ഓവറിൽ 2 വിക്കറ്റ് മാത്രം നഷ്ടപ്പെടുത്തി ലക്ഷ്യം കാണുകയായിരുന്നു. 25 റൺസ് നേടിയ ദേവ്ദത്ത് പടിക്കലാണ് ബാംഗ്ലൂരിൻ്റെ ടോപ്പ് സ്കോറർ.

ഓപ്പണർമാർ ചേർന്ന് ആദ്യ വിക്കറ്റിൽ 46 റൺസ് കൂട്ടുകെട്ടുണ്ടാക്കിയപ്പോൾ തന്നെ കൊൽക്കത്ത ചിത്രത്തിൽ നിന്ന് മാഞ്ഞിരുന്നു. ഏഴാം ഓവറിൽ ആദ്യ ബൗളിംഗ് ചേഞ്ചുമായെത്തിയ ലോക്കി ഫെർഗൂസൻ ആരോൺ ഫിഞ്ചിനെ (16) ദിനേശ് കാർത്തികിൻ്റെ കൈകളിൽ എത്തിച്ചാണ് ഈ കൂട്ടുകെട്ട് പൊളിച്ചത്. ആ ഓവറിൽ തന്നെ ദേവ്ദത്ത് (25) റണ്ണൗട്ടായി. മൂന്നാം വിക്കറ്റിൽ ഗുർകീരത് സിംഗ് (21), വിരാട് കോലി (18) സഖ്യം ബാംഗ്ലൂരിനെ അനായാസ വിജയിപ്പിക്കുകയായിരുന്നു. ഇരുവരും ചേർന്ന് അപരാജിതമായ 39 റൺസിൻ്റെ കൂട്ടുകെട്ട് ഉയർത്തി.

Story Highlights royal challengers bangalore won against kolkata knight riders

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement