19
Jun 2021
Saturday

വിജിലൻസിന്റേത് അവരുടേതായ പരിശോധന; കെഎസ്എഫ്ഇ റെയ്ഡിനെ ന്യായീകരിച്ച് മുഖ്യമന്ത്രി

കെഎസ്എഫ്ഇയുടെ വിവിധ ശാഖകളിൽ വിജിലൻസ് നടത്തിയ റെയ്ഡിനെ ന്യായീകരിച്ച് മുഖ്യമന്ത്രി പിണറായി വിജയൻ. വിജിലൻസ് നടത്തിയത് അവരുടേതായ പരിശോധനയാണ്. ക്രമക്കേടുണ്ടെങ്കിൽ വിജിലൻസ് സർക്കാരിന് റിപ്പോർട്ട് നൽകും. തുടർ നടപടി സ്വീകരിക്കേണ്ടത് സർക്കാരാണെന്നും മുഖ്യമന്ത്രി പറഞ്ഞു.

അന്വേഷണത്തിന് വേണ്ടത് വിജിലൻസ് ഡയറക്ടറുടെ അനുമതിയാണ്. ഇവിടെ അന്വേഷണത്തിന് വിജിലൻസ് ഡയറക്ടർ അനുമതി നൽകിയിരുന്നു. നവംബർ പത്തിനാണ് അനുമതി നൽകിയത്. വിജിലൻസ് നടത്തിയത് പരിശോധനയാണ്. റെയ്ഡല്ല. ഇതിന് മുൻപ് 2019 ൽ കെഎസ്എഫ്ഇയിൽ വിജിലൻസ് പരിശോധന നടന്നിരുന്നു. പതിനെട്ട് തവണയാണ് അന്ന് പരിശോധിച്ചത്. കെഎസ്എഫ്ഇയിൽ പോരായ്മ കണ്ടെത്തിയത് വിജിലൻസാണെന്നും മുഖ്യമന്ത്രി കൂട്ടിച്ചേർത്തു.

കെഎസ്എഫ്ഇയിലെ പരിശോധനയിൽ രമൺ ശ്രീവാസ്തവയ്ക്ക് പങ്കില്ല. പരിശോധന നടത്താൻ രമൺ ശ്രീവാസ്തവയ്ക്ക് ആരും നിർദേശം നൽകിയിട്ടില്ല. മാധ്യമങ്ങൾ പച്ചക്കളം പടച്ചുവിടുകയാണെന്നും മുഖ്യമന്ത്രി കുറ്റപ്പെടുത്തി.

Story Highlights Vigilance raid, KSFE, Pinarayi vijayan

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top