വൈറൽ വൈബിങ് ക്യാറ്റ്; മീം ചരിതം

vibing cat meme origin

കഴിഞ്ഞ കുറച്ച് കാലമായി സമൂഹമാധ്യമങ്ങൾ ഭരിക്കുന്നത് ഒരു പൂച്ചയാണ്. ഒരു സംഗീതജ്ഞൻ്റെ പാട്ടിനനുസരിച്ച് തലയാട്ടി അത് ആസ്വദിക്കുന്ന പൂച്ചയുടെ ചെറുവിഡിയോ മീമുകളുടെ രൂപത്തിൽ വ്യാപകമായി പ്രചരിക്കുകയാണ്. ഈ മീമിൻ്റെ തുടക്കവും ഇത് എങ്ങനെ പ്രചരിക്കപ്പെട്ടു എന്നതും വളരെ കൗതുകകരമായ ഒന്നാണ്.

രണ്ട് വിഡിയോകൾ ഒരുമിച്ച് ചേർത്തതാണ് ഈ മീം. ഫിന്നിഷ് ഭാഷയിലുള്ള ഈവാൻ പോൽക്ക എന്ന പാട്ടാണ് ബിലാൽ ഗോറെഗാൻ എന്ന സംഗീതജ്ഞൻ പാടുന്നത്. ദാർബുക എന്ന സംഗീതോപകരണം വായിച്ചാണ് പാട്ട്. രണ്ട് വർഷം മുൻപ് അപ്ലോഡ് ചെയ്ത ഈ വിഡിയോ ഒരുപാടൊന്നും പ്രചരിച്ചില്ല. പിന്നീട് ഈ വർഷം ഒക്ടോബർ 18ന് ട്വിറ്ററിൽ ഒരാൾ പൂച്ചയുടെ ‘വൈബിംഗ്’ ഈ വിഡിയോയിൽ എഡിറ്റ് ചെയ്ത് ചേർക്കുകയായിരുന്നു. ഇതിനു ശേഷമാണ് ഈ വിഡിയോ പ്രചരിച്ചത്.

പൂച്ചയുടെ വിഡിയോ ഈ വർഷം ഏപ്രിൽ 20ന് ടിക്ക്ടോക്കിലാണ് ആദ്യം പ്രത്യക്ഷപ്പെട്ടത്. ജൊനാസ് ബ്ലൂവിൻ്റെ ‘ഐ വാണ ഡാൻസ്’ എന്ന പാട്ടിനനുസരിച്ച് തല ചലിപ്പിക്കുന്ന പൂച്ചയയാണ് ആ വിഡിയോയിൽ ഉണ്ടായിരുന്നത്. ഈ വിഡിയോ നിർമിച്ച് പോസ്റ്റ് ചെയ്ത മിക്ക് ലാഗിയുടെ സുഹൃത്താണ് വൈറൽ പൂച്ചയുടെ ഉടമ. മിനറ്റ് എന്നാണ് അവളുടെ പേര്. മകന് പൂച്ച അലർജി ആയതിനാൽ അടുത്തിടെ ഉടമസ്ഥൻ പൂച്ചയെ മറ്റാർക്കോ കൈമാറിയിരുന്നു.

Story Highlights vibing cat meme origin and history

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top