ചർച്ച പരാജയം; സമരവുമായി മുന്നോട്ട് പോകുമെന്ന് കർഷക സംഘടനകൾ

കർഷക സംഘടനകളുമായി കേന്ദ്ര സർക്കാർ നടത്തിയ ചർച്ച പരാജയം. സമവായ നിർദേശങ്ങളിൽ ധാരണയായില്ല. മറ്റന്നാൾ വീണ്ടും ചർച്ച ചെയ്യും.

ഇന്ന് വി​ഗ്യാൻ ഭവനിൽ നടന്ന രണ്ടാം ഘട്ട ചർച്ച നീണ്ടത് ഏഴ് മണിക്കൂറാണ്. ചർച്ച പരാജയമായ സാഹചര്യത്തിൽ സമരവുമായി മുന്നോട്ട് പോകുമെന്ന് കർഷക സംഘടന പ്രതിനിധികൾ അറിയിച്ചു. അതേസമയം, കർഷകരുടെ താത്പര്യങ്ങൾ സംരക്ഷിക്കുമെന്ന് കൃഷി മന്ത്രി നരേന്ദ്ര സിം​ഗ് തോമർ.

കൂടിക്കാഴ്ചയുടെ ആദ്യ പകുതിയിൽ കർഷകർ അവരുടെ ആശങ്കകളും മറ്റും സർക്കാരുമായി സംസാരിച്ചു. രണ്ടാം പകുതിയിൽ സംസാരിച്ചത് സർക്കാരാണ്.

Read Also : ‘ഞങ്ങൾ ഭക്ഷണം കൊണ്ടുവന്നിട്ടുണ്ട്’; സർക്കാർ കൂടിക്കാഴ്ചയ്ക്കിടെ ഉച്ചഭക്ഷണം നിരസിച്ച് കർഷകർ

കേന്ദ്ര മന്ത്രിമാരായ പീയുഷ് ഗോയൽ, നരേന്ദ്ര സിംഗ് തോമർ എന്നിവരാണ് കേന്ദ്രസർക്കാരിനെ പ്രതിനിധീകരിച്ച് ചർച്ചയിൽ പങ്കെടുക്കുന്നത്. സർക്കാർ കാർഷിക നിയമത്തിൽ നിന്ന് പിന്നോട്ട് പോകില്ലെന്നാണ് റിപ്പോർട്ട്.